Bigg Boss OTT 2: Puneet Superstar ने सलमानच्या गर्लफ्रेंड वर केले भाष्य; परत येण्याचे मागितले ‘एवढे’ पैसे
बिग बॉस ओटीटी 2 च्या पहिल्याच दिवशी पुनीत सुपरस्टारला घराबाहेर पडण्याचा मार्ग दाखवला. ‘बिग बॉस’च्या इतिहासात पहिल्यांदाच एखाद्या स्पर्धकाला शो सुरू झाल्यापासून १२ तासांच्या आत त्याच्या वाईट आणि विचित्र कृतीमुळे बाहेर काढण्यात आले आहे. मात्र, आता त्याला पुन्हा घरी बोलावण्यात येणार असल्याच्या बातम्या येत आहेत, किंबहुना त्याची वेगळी स्टाईल तसेच सोशल मीडियावरील त्याची लोकप्रियता पाहता निर्माते हा निर्णय घेऊ शकतात. दरम्यान, पुनीत घराबाहेर गेल्यापासून तो दररोज बिग बॉसवर कमेंट करत आहे आणि नुकताच त्याने सलमान खानच्या गर्लफ्रेंडबद्दल तसेच पुन्हा बिग बॉसमध्ये परतण्याबद्दल काही सांगितले, जे सोशल मिडीयावर जोरदार व्हायरल होत आहे.(Bigg Boss OTT 2)
बिग बॉसच्या घरात सलमान खानने पुनीत ला गर्लफ्रेंड नसल्याचं विचारलं होतं. यावर उत्तर देताना पुनीत म्हणाला की, मला सलमान भाईला सांगायचे आहे की त्याची गर्लफ्रेंड कोण आहे. एक येते आणि निघून जाते . दुसरी येते आणि निघून जाते . सलमान भाई जसा सिंगल आहे, तसाच मीही सिंगल आहे. अशा तऱ्हेने पुनीतच हे उत्तर जोरदार व्हायरल होत असून सर्वांनाच आश्चर्याचा धक्का सुद्धा बसला आहे. नुकताच बिग बॉस ओटीटीच्या घरातून बाहेर पडलेला स्टार पुनीत सुपरस्टारचा या आधीही एक व्हिडिओ वेगाने व्हायरल होत आहे. या व्हिडिओमध्ये तो आपल्या वाइल्ड कार्ड एन्ट्रीबद्दल बोलताना दिसत आहेत. या व्हिडिओमध्ये पुनीत म्हणतोय की, ”बेटा, 50 लाखांची व्यवस्था करा, पुनीत सुपरस्टारच्या वाइल्ड कार्ड एन्ट्रीसाठी तुमच्याकडे ताकद असेल तर कारण पुनीत सुपरस्टार किंग आहे. आणि पुनीत कुणासमोरही झुकत नाही.”त्याच्या या व्हिडिओने सोशल मीडियावर खळबळ उडवून दिली आहे.
पुनीतचे हे सर्व व्हिडिओ पाहिल्यानंतर युजर्सच्या तीव्र प्रतिक्रिया येत आहेत, पुनीतच्या एका चाहत्याने कमेंट करत म्हटले की, “काय सिन आहे, तुम्ही बिग बॉसच्या घरात वाइल्ड कार्ड एन्ट्री नक्कीच कराल, तर एका युजरने लिहिले की हा किती गैरसमज आहे.” तर बिग बॉसच्या एका चाहत्याने कमेंट केली की, “तुम्हाला वाटतं का की तुम्ही नसता तर शो बंद होईल, तुम्ही कॉमेडियन नाही तर भयानक आहात .” (Bigg Boss OTT 2)
===========================
हे देखील वाचा: बिग बॉस फेम Sumbul Touqeer चे वडील करणार दुसरे लग्न, ‘हि’ आहे अभिनेत्रीची सावत्र आई
===========================
पुनीत सुपरस्टार सोशल मीडियावर पूर्णपणे वेगळ्या प्रकारचा व्हिडिओ बनवतो आणि त्याच्या चाहत्यांशी कनेक्शन बनवतो. आपल्या व्हिडिओमध्ये तो आपल्या अनोख्या पद्धतीने दैनंदिन जीवनाबद्दल बोलतो. इतकंच नाही तर तो आपल्या कमाईतील जवळपास 90 टक्के हिस्सा गरीब मुले आणि लोकांच्या मदतीसाठी खर्च करतो. त्यामुळं त्याला चाहत्यांचं भरभरून प्रेमही मिळतं. पुनीत सुपरस्टारला लॉर्ड पुनीत म्हणूनही ओळखलं जातं.
