दीप्ती केतकर ‘अबोल प्रीतीची अजब कहाणी’ मालिकेतून नकारात्मक भूमिकेतून येणार समोर…
निरनिराळे विषय आणि रंजक मालिका घेऊन सोनी मराठी वाहिनी नेहमीच प्रेक्षकांच्या भेटीला येत असते. त्यातील आगळेवेगळे विषय कायमच प्रेक्षकांच्या पसंतीस पडतात. मालिकेतील काही व्यक्तिरेखा कायमच प्रेक्षकांच्या मनात घर करून राहतात. तशीच एक नवी मालिका सोनी मराठी आपल्या प्रेक्षकांसाठी घेऊन येते आहे.’अबोल प्रीतीची अजब कहाणी’ ही मालिका प्रेक्षकांच्या भेटीला येते आहे. अभिनेता अजिंक्य राऊत पुन्हा एकदा एका नव्या मालिकेतून प्रेक्षकांच्या भेटीला येतो आहे. त्याचे याआधीचे काम प्रेक्षकांना विशेष आवडले. त्याच्या नव्या भूमिकेची त्याचे चाहते मनापासून वाट पाहत होते. अजिंक्य पुन्हा एकदा प्रेक्षकांसमोर एका नव्या भूमिकेतून दिसणार आहे.(Dipti Ketkar)
मालिकेचा फर्स्ट लूक प्रेक्षकांना विशेष आवडतो आहे, कारण मालिकेची नायिका ही याात जान्हवी तांबट ही वेगळ्या रूपात दिसत आहे. ती चक्क एका बॉडीगार्डच्या वेशात आपल्याला दिसते आहे, तेही पुरुष बॉडीगार्डच्या वेशात. जान्हवीसाठी मयुरी आणि भाऊसाहेब या दोन व्यक्तिरेखा साकारणं हे तारेवरची कसरत ठरणार आहे. आता हा बॉडीगार्ड कशा प्रकारे प्रेक्षकांसमोर येईल, हे पाहणे उत्सुकतेचे असेल.याआधी विविध व्यक्तिरेखांतून प्रेक्षकांच्या मनात घर करणारी अभिनेत्री दीप्ती केतकर देखील या मालिकेतून एका वेगळ्या भूमिकेतून प्रेक्षकांसमोर येत आहे.
दीप्ती कायमच निरनिराळ्या भूमिकांमधून प्रेक्षकांचं मनोरंजन करते. विविध मालिका आणि चित्रपट यांतून ती नेहमीच आपल्या प्रेक्षकांसमोर आली आहे. आता ‘अबोल प्रीतीची अजब कहाणी’ या नव्या मालिकेतून ती एका विशिष्ट व्यक्तिरेखेद्वारे आपल्या भेटीस येत आहे. यामिनी सराफ असे त्यांच्या व्यक्तिरेखेचं नाव असून राजवीरच्या आईच्या भूमिकेत ती असणार आहे. आणि विशेष म्हणजे यामिनी या मालिकेतून नकारात्मक भूमिकेत आपल्याला दिसणार आहे.(Dipti Ketkar)
===========================
हे देखील वाचा: ‘कुन्या राजाची गं तू रानी’ लवकरच नवी मालिका प्रेक्षकांच्या भेटीला !
===========================
आता ही व्यक्तिरेखा ती कशी फुलवते आणि राजवीर आणि मयूरी यांच्या आयुष्यात ती किती ढवळाढवळ करते, हे आपल्याला लवकरच पाहायला मिळेल. अजिंक्य राऊत, जान्हवी तांबट, सुनील तावडे हे कलाकार या मालिकेतून प्रमुख भूमिकांत पाहायला मिळतील. या मालिकेचे दिग्दर्शन अजय मयेकर करताहेत आणि त्यांच्याच अजय मयेकर फिल्म्स या निर्मिती संस्थेकडून या मालिकेची निर्मिती करण्यात येते आहे.आता सोनी मराठीवर ‘अबोल प्रीतीची अजब कहाणी’ ही मालिका १७ जुलैपासून संध्याकाळी ७.३० वाजता प्रेक्षकांच्या भेटीला येणार आहे.