‘आई तुळजाभवानी’च्या पौराणिक गाथेत उलगडणार एक नवा अध्याय; चिंतामणी पाषाणाचा
Murder In Mahim Trailer: आशुतोष राणा आणि विजय राज यांच्या मनाला हादरवून टाकणाऱ्या ‘मर्डर इन माहीम’चा ट्रेलर पाहिलात का?
अभिनेता आशुतोष राणा आणि विजय राज स्टारर वेब सीरिज ‘मर्डर इन माहीम’च्या सस्पेन्स-थ्रिलर वेब सीरिजचा बहुप्रतीक्षित ट्रेलर रिलीज झाला आहे. हा ट्रेलर शुक्रवारी युट्यूबवर पोस्ट करण्यात आला असून तो इंटरनेटवर तुफान व्हायरल ही झाला आहे. या वेब सीरिजमध्ये आशुतोष राणा एका इन्व्हेस्टिगेटिव्ह जर्नलिस्टची भूमिका साकारत आहे, तर विजय राज एका स्ट्रीक्ट तपास अधिकाऱ्याच्या भूमिकेत आहे. एक मिनिट ५६ सेकंदाचा हा ट्रेलर तुम्हाला २०१३ मध्ये मुंबईला घेऊन जातो. ही वेब सीरिज एक सामाजिक भाष्य म्हणून काम करते, जी भयानक हत्येच्या रहस्यावर आधारित आहे. पत्रकार पीटरच्या भूमिकेत आशुतोष आणि झेंडेच्या भूमिकेत विजय यांच्या अप्रतिम अभिनयाने ही वेबसीरिज प्रेक्षकांना थराराची अनुभूती देणार हे नक्की.(Murder In Mahim Trailer)
आयएएनएसच्या वृत्तानुसार, ट्रेलरमध्ये दाखवण्यात आल्यानुसार माहीम स्थानकावर एकाची निर्घृण हत्या करण्यात आली आहे. पीटर या प्रकरणाच्या तपासात चांगलाच अडकतो आणि जेव्हा त्याचा स्वतःचा मुलगा सुनील या प्रकरणात संशयित सापडतो तेव्हा आणखी अडचणी वाढतात. या सगळ्यात पीटर आणि झेंडे इच्छा, ब्लॅकमेल आणि न सांगितलेल्या प्रेमाच्या दुनियेत अडकतात. ते मारेकऱ्यांचा शोध घेतात आणि वाटेत अनेक मोठ्या संकटांना सामोरे जातात. प्रत्येक रहस्याचा उलगडा होत जाते आणि ट्विस्ट घेऊन गूढगोष्टींचे जाळे तयार होते.
आपल्या भूमिकेबद्दल बोलताना आशुतोष म्हणातात की, “कठीण भूमिकांबाबत मी सर्वात जास्त उत्सुक असतो. पीटर हे एक असे पात्र आहे जे खुनाच्या तपासादरम्यान मला खोलवर जोडते, यात वंश, लिंग आणि लैंगिकतेभोवती सामाजिक कलंक दर्शविणार्या अनेक कथा आहेत. हेच या मालिकेचं सौंदर्य आहे.’आणि झेंडे व्यक्तिरेखा साकारणारे विजय म्हणाले की ‘सर्वात खास पैलू म्हणजे त्यांचे वैयक्तिक आयुष्य. तपासाच्या दृश्यांमध्ये स्पष्ट पणे दिसणाऱ्या या व्यक्तिरेखेला जीवदान देण्याचा माझा प्रयत्न आहे, पण त्याचवेळी तो आक्रमक आहे. त्यामुळे माझ्या व्यक्तिरेखेतील भावनिक भाग टिपणं आणि भावनांची संपूर्ण श्रेणी पडद्यावर आणणं रोमांचक होतं.'(Murder In Mahim Trailer)
=============================
=============================
जेरी पिंटो यांच्या समीक्षकांनी प्रशंसित केलेल्या या मनोरंजक मालिकेचे दिग्दर्शन राज आचार्य यांनी केले असून टिपिंग पॉईंट फिल्म्स आणि जिग्स पिक्चर्स यांनी या मालिकेची निर्मिती केली आहे. या मालिकेत शिवानी रघुवंशी आणि शिवाजी साटम ही मुख्य भूमिकेत आहेत. ‘मर्डर इन माहीम’ हा चित्रपट १० मेपासून जिओ सिनेमावर प्रदर्शित होणार आहे.
