Ramayana Movie : बॉलिवूडचा ८३५ कोटींचा पहिला बिग बजेट Mythological
SRK चा मुलगा Aryan Khan ची पहिली वेब सीरिज कधी प्रदर्शित होणार? समोर आली महत्वाची माहीती
2023 हे वर्ष शाहरुख खानच्या नावावर होत, मात्र यावर्षी त्याचा एकही चित्रपट येणार नाहीये. पण शाहरुख खानचा मुलगा आर्यन खान आणि मुलगी सुहाना खान त्यांच्या प्रोजेक्ट्समुळे चर्चेत आहेत. एकीकडे सुहाना लवकरच ‘किंग’मध्ये झळकणार आहे, तर दुसरीकडे आर्यन खानच्या ‘स्टारडम’बाबत ही मोठे अपडेट्स समोर येत आहेत. जाणून घेउयात त्याची पहिली वेब सीरिज नेमकी कधी येणार आहे. सुहाना ‘किंग‘ या चित्रपटातून मोठ्या पडद्यावर पदार्पण करणार आहे. आणि हा चित्रपट पुढील वर्षी म्हणजेच २०२५ मध्ये प्रेक्षकांच्या भेटीला येणार आहे. यापूर्वी हा पूर्णपणे सुहाना खानचा चित्रपट होता.(Aryan Khans Web Series)
पण अलीकडेच या चित्रपटात आता शाहरुख खान मुख्य भूमिकेत दिसणार असल्याचे समोर आले आहे. सुहानाच नाही तर शाहरुख खानचा मुलगा आर्यन खानही त्याच्या पहिल्या वेब सीरिज ‘स्टारडम’च्या शूटिंगमध्ये व्यस्त आहे. काही दिवसांपूर्वी शाहरुख खानने या सीरीजमध्ये कॅमिओ करण्याची ऑफर दिल्याच्या बातम्या ही आल्या होत्या. पण मुलगा आर्यन खानने त्याला नकार दिला. आर्यन खान त्याच्या पहिल्या सीरिजमुळे खूप चर्चेत असतो. नुकताच बॉबी देओलने त्याच्या प्रोजेक्टमध्ये एन्ट्री केली आहे. या सीरीजमध्ये तो महत्त्वाची भूमिका साकारताना दिसणार असल्याचे समजते. त्याची एक फॅन्सी भूमिका असणार आहे, जी सामान्य माणसाच्या विचारसरणीपेक्षा बरीच वेगळी असल्याचे बोलले जात आहे. तसेच त्याच्या व्यक्तिरेखेचे नावही एकदम अनोखे असणार आहे.
दरम्यान, ‘मिड डे’मध्ये एक वृत्त प्रसिद्ध झाले आहे. त्यानुसार आर्यन खानच्या ‘स्टारडम‘ या शोच्या शेवटच्या शेड्यूलचं शूटिंग सुरू आहे. आर्यन खान एप्रिलपासून या शोचं शूटिंग करत होता. त्यासाठी आधी अंधेरी पूर्व, नंतर मड आयलंड आणि आता रॉयल पाम्स मध्ये चित्रीकरण सुरू आहे. आठवड्याच्या अखेरीस गोरेगावमध्ये या चित्रपटाच्या चित्रीकरणाला सुरुवात होणार असल्याचे समजते. तर दुसऱ्या लोकेशनवर चित्रीकरणाला सुरुवात केली जाणार आहे.(Aryan Khans Web Series)
शूटिंगसोबतच आर्यन खान या शोच्या एडिटवरही सतत काम करत आहे.दरम्यान, आर्यन खानला या शोबाबत कोणतीही घाई करायची नसल्याचे समोर आले आहे. या वर्षाच्या अखेरपर्यंत ही सीरीज प्रदर्शित करण्याची तयारी सुरू आहे. ही सीरीज आर्यन खानने बिलाल सिद्दीकीसोबत लिहिली आहे. असे म्हटले जात आहे की आर्यन खान स्वत: सर्व भागांचे दिग्दर्शन करत आहे.
==============================
==============================
तर रणवीर सिंग आणि करण जोहर यांनी ‘स्टारडम’मध्ये कॅमिओ केले आहेत. या सीरिजमध्ये एक मोठा पार्टी सीक्वेंस असणार आहे, त्याचे चित्रीकरण करण्यात आले आहे. तर याात बॉबी देओलची ही महत्त्वाची भूमिका साकारणार आहे. या बरोबकच मोना सिंगचं ही नाव या सीरीजमध्ये जोडलं जात आहे.