‘तिकळी’ या सन मराठीच्या नवीन रहस्यमय मालिकेत दिसणार पूजा ठोंबरे आणि वैष्णवी कल्याणकर…

एकापेक्षा एक हटके विषय घेऊन येणारी सन मराठी वाहिनी आता अजून काहीतरी नवं करु पाहतेय. कौटुंबिक गोष्ट, सासू-सुनाची कथा, प्रेमकथा या सगळ्या विषयांतून प्रेक्षकांचे मनोरंजन करत असताना, प्रेक्षकांचे एखाद्या थरारक गोष्टीच्या माध्यमातून मनोरंजन केले तर… असा विचार करत सन मराठी वाहिनी लवकरच प्रेक्षकाच्या भेटीला घेऊन येतेय ‘तिकळी’ हा थरारक विषय.(Tikali Sun Marathi Serial)

आता ही ‘तिकळी’ कोण किंवा नेमकी काय भानगड आहे, असा प्रश्न पडला असेल तर, ‘तिकळी’ मालिकेची झलक तुम्ही एकदा पाहाच. जिच्यासोबत गावकरी दोन हात लांब राहतात, जिचं आयुष्यात असणं म्हणजे आयुष्य बर्बाद होणं, ना घरची, ना दारची अशी आहे ‘तिकळी’. पण तिकळीचं नेमकं रहस्य काय, तिला दिसणारी ती व्यक्ती कोण, तिच्याशी संबंध न ठेवणं यातच आपले हित असा समज लोकांचा का आहे, इतकी आणि यापेक्षा जास्त मालिकाप्रती कुतुहलता ‘तिकळी’च्या प्रोमोने वाढवली आहे.

अभिनेत्री पूजा ठोंबरे आणि वैष्णवी कल्याणकर या दोघी या मालिकेत प्रमुख भूमिका साकारणार आहेत. तिकळीची भूमिका वैष्णवीने साकारली आहे, पण प्रोमोमध्ये जी व्यक्ती दिसते जिचे रहस्य जाणून घेण्याची उत्सुकता वाढली आहे ते पात्रं पूजा साकारत आहे. ‘तिकळी’च्या मागील गूढ सत्य लवकरच सन मराठी वाहिनीवर उलगडणार आहे. अभिनेत्री पूजा ठोंबरे या आधी झी मराठी वाहिनिवरील दुनियादारी या मालिकेत आणि त्यानंतर अनेक नाटकातुनही प्रेक्षकांच्या भेटीला आलेली आहे तर अभिनेत्री वैष्णवी कल्याणकर ही झी मराठी वाहिनीवरील तु चाल पुढं या मालिकेतुन प्रेक्षकांच्या भेटीला आली आहे. 

=================================

हे देखील वाचा: शेतकऱ्याच्या कुटुंबातील एका लढाऊवृत्तीच्या कन्येची  कथा ‘भूमिकन्या – साद घालते निसर्गराजा’ लवकरच

================================

मराठी मालिका विश्वात वेगवेगळे प्रयोग होत आहेत. मालिकेत नवीन ट्विस्ट आणत असतात. प्रेक्षकांचं मनोरंजन करण्यासाठी मनोरंजन वाहिन्या काम करत असतात. आणि छोट्या पडद्यावरील मालिका दररोज सायंकाळी न चुकता प्रत्येक घरोघरी पहिल्या जातात.या सर्व मालिकांना प्रेक्षकांचा उत्तम प्रतिसाद मिळताना दिसत आहे.