‘आपका अपना जाकीर’ म्हणत जाकीर खान घेऊन येतोय भन्नाट कॉमेडी शो

सध्या टेलिव्हिजन आणि ओटीटी विश्वात अनेक लोकप्रिय कॉमेडी शो सुरु आहेत. प्रेक्षक या सर्व कार्यक्रमांवर भरभरून प्रेम करता. कपिल शर्मा, कृष्णा अभिषेक, सुदेश लहरी आदी अनेक कॉमेडियन अशा शो मुळेच लोकप्रिय झाले आणि त्यांना प्रसिद्धी मिळाली. आता लवकरच यात अजून एका कॉमेडियन कलाकाराच्या शोची भर पडणार आहे. (Aapka Apna Zakir)

उत्तम कॉमेडियन आणि शायर म्हणून ओळखल्या जाणाऱ्या जाकीर खानचा एक नवा कोरा धमाकेदार शो प्रेक्षकांच्या भेटीला येणार आहे. आपल्या कॉमेडीने प्रेक्षकांच्या मनात जागा निर्माण करणारा जाकीर लवकरच एका नवीन शोमध्ये प्रेक्षकांना हसवताना दिसणार आहे. आपल्या विनोदबुद्धीच्या जोरावर जाकिरने संपूर्ण जगात नाव कमवले.

कॉमेडीच्या दुनियेतील अतिशय प्रसिद्ध आणि लोकप्रिय चेहरा म्हणून जाकीर खानला ओळखले जाते. लवकरच तो त्याच्या करियरमधील नवी इनिंग खेळण्यासाठी सज्ज झाला आहे. लवकरच तो एका नवीन शोमधून प्रेक्षकांचे मनोरंजनकरत त्यांना हसवताना दिसणार आहे. नुकताच या शोचा एक टिझर प्रदर्शित झाला असून, हा टिझर सध्या तुफान गाजत आहे. (Aapka Apna Zakir)

जाकीर खान लवकरच त्याचा स्वतःचा ‘आपका अपना जाकीर’ हा शो घेऊन लवकरच सोनी टीव्हीवर येत आहेत. या शोच्या माध्यमातून तो सर्वांना खळखळून हसवताना दिसणार आहे. या शोचा टिझर सध्या सोशल मीडियावर व्हायरल होत आहे. मात्र हा शो कधी आणि केव्हा सुरु होणार याबाबत कोणतीही माहिती अजून मिळाली नाही.

सोनी टीव्हीने त्यांच्या अधिकृत इंस्टाग्राम अकाऊंटवरून जाकीर खानच्या या कॉमेडी शोचा टिझर प्रदर्शित करण्यात आला आहे. या टीझरमध्ये जाकीरचा एक मोठा कट आऊट दिसत आहे. त्याच्या या कट आऊटला फुलांच्या माळा घातलेल्या दिसत आहे. यात दोन मुलं या शोबद्दल चर्चा करताना दिसत आहे. हा टिझर शेअर करताना सोनीने कॅप्शनमध्ये लिहिले, “तुम्ही बघाल, आम्ही बघू, सर्व बघणार. #AapkaApnaZakir, #SonyEntertainmentTelevision वर लवकरच.” (Aapka Apna Zakir)

जाकीर खान त्याच्या या शोमध्ये प्रेक्षकांचे भरपूर मनोरंजन करणार यात शंका नाही. आपल्या कॉमेडीने, शायरीने आणि किस्स्यांनी सगळ्यांनाच भरपूर हसवणार आणि त्यांचे मनोरंजन करणार. हा शो जुलैमध्ये सुरु असणार असल्याचे सांगितले जात आहे. (Aapka Apna Zakir)

तत्पूर्वी जाकीर खानबद्दल सांगायचे झाल्यास त्याचा जन्म २० ऑगस्ट १९८७ साली मध्यप्रदेशमधील इंदोर येथे झाला. कॉमेडीच्या जगातील लखलखता तारा असलेल्या जाकिरला ‘कॉमेडी सेंट्रल’ हा पुरस्कार २०१२ साली मिळाला आणि तो प्रसिद्ध झाला. इथूनच त्याच्या आयुष्याला आणि करियरला वाट मिळाली.

दरम्यान जाकीर खानने अनेक शो आणि वेबसिरीजमध्ये काम केले आहेत. यात ‘चाचा विधायक हैं हमारे’, ‘कॉमिक्स्तान’, ‘वन माइक स्टैंड’, ‘फर्जी मुशायरा’, ‘हक से सिंगल’, ‘कक्षा ग्यारवीं’, ‘तथास्तु’ आणि ‘मनपसंद’ आदींचा समावेश आहे.