Ankush Chaudhari : ‘पुन्हा एकदा साडे माडे तीन’चं चित्रिकरण संपन्न

मराठी चित्रपटसृष्टीतील एव्हरग्रीन बॉय अभिनेता अंकुश चौधरी याने २००७ साली साडे माडे तीन या चित्रपटातून दिग्दर्शक म्हणून नवा प्रवास सुरु केला होता. आता चित्रपटाचा दुसरा भाग ‘पुन्हा एकदा साडे माडे तीन’ लवकरच प्रदर्शित होणार असून या चित्रपटाचं शुटींग पुर्ण झालं आहे. दुसऱ्या भागात ‘कुरळे ब्रदर्स’ काय धमाल करणार हे पाहायला प्रेक्षकांपुढे उत्सुकता अधिक वाढली आहे.शिवाय १८ वर्षांनतर अशोक सराफ, मकरंद अनासपुरे, भरत जाधव यांची केमिस्ट्री मोठ्या पडद्यावर पाहण्यासाठी सगळेच सज्ज झाले आहेत. (Ankush Chaudhari)

’पुन्हा एकदा साडे माडे तीन’ (Punha Ekda Sade Made Teen) या चित्रपटात Siddharth jadhav, रिंकू राजगुरू, संकेत पाठक आणि संजय नार्वेकर असे कमाल धमाल कलाकार झळकणार आहेत. चित्रपटाबद्दल बोलताना दिग्दर्शक अंकुश चौधरी (Ankush Chaudhari) म्हणाला, “या चित्रपटाच्या सिक्वेलचा भाग होणे खूप खास आहे. नुकतेच चित्रीकरण संपले असून चित्रीकरणाचा प्रत्येक क्षण अविस्मरणीय होता आणि कलाकार व निर्मात्यांच्या मेहनतीने हा चित्रपट प्रेक्षकांच्या अपेक्षा पूर्ण करण्यात नक्कीच यशस्वी होईल. प्रेक्षकांना ही नवी धमाल नक्कीच आवडेल.” (Marathi movie update)

तर या चित्रपटाच्या निमित्ताने निर्मिती क्षेत्रात पाऊल टाकणारे निर्माते पुष्कर यावलकर म्हणतात,“अमेय खोपकर आणि निनाद बत्तीन यांच्यासोबत काम करण्याचा अनुभव खूप खास होता. नुकतेच चित्रपटाचे शुटिंग संपन्न झाले असून या सगळ्या टीमसोबत काम करण्याचा अनुभव खूप कमाल होता. चित्रपट निर्मितीक्षेत्रात पाऊल ठेवणे हा माझ्यासाठी एक मोठा प्रवास होता आणि तो या टीमसोबत खूप सुखकर झाला. ‘पुन्हा एकदा साडे माडे तीन’ सारख्या चित्रपटाचा भाग होणे, ही आनंदाची गोष्ट आहे. (Marathi tadaka)

==================

हे देखील वाचा : Ankush Chaudhari प्रतिकूल परिस्थितीवर मात करत अंकुश चौधरी बनला मराठी सिनेसृष्टीतील हँडसम अभिनेता

==================

‘पुन्हा एकदा साडे माडे तीन’चे छायाचित्रण संजय जाधव यांनी केले असून हा चित्रपट प्रेक्षकांसाठी एक  विशेष पर्वणी नक्कीच ठरणार आहे. विशेष म्हणजे लोकशाही समूह अंतर्गत असलेले ईओडी मीडिया कंपनीचे संचालक पुष्कर यावलकर यांनी एव्हीकेसोबत हातमिळवणी करत मराठी चित्रपट निर्मितीक्षेत्रात आपले पहिले पाऊल ठेवले आहे. वयाच्या २५ व्या वर्षी निर्माता म्हणून ‘ पुन्हा एकदा साडे मेड तीन’ मध्ये महत्त्वाची भूमिका त्यांनी निभावली आहे. तसेच, अमेय विनोद खोपकर पिक्चर्स (एव्हीके), उदाहरणार्थ निर्मित,प्रस्तुत या चित्रपटाचे सुधीर कोलते,स्वाती खोपकर, निनाद नंदकुमार बत्तीन निर्माते आहेत. (Entertainment update)