Ashok Saraf : व्याख्या, विख्खी, वुख्खू; आयकॉनिक डायलॉगमागचा किस्सा…

महेश कोठारे, अशोक सराफ, लक्ष्मीकांत बेर्डे यांनी एकत्रित अनेक अजरामर चित्रपट दिले आहेत. त्यापैकीच एक चित्रपट म्हणजे ‘धुमधडाका’. हिंदीतील ‘प्यार किए जा’ या चित्रपटाचा हा मराठी रिमेक. धुमधडाका हा चित्रपट म्हटलं की असंख्य गोष्टी डोळ्यांसमोर उभ्या राहतात. त्यापैकी पहिला महत्वाचा सीन म्हणजे म्हातारे अशोक सराफ आणि त्यांच्या तोंडी असणारे व्याख्या, विख्खी, वुख्खू हे तीन शब्द. पण नेमकी हे शब्द आले कुठून याची एक रंजक गोष्ट अशोक सराफ यांनी सांगितली आहे. (Mahesh Kothare)

अशोक सराफ (Ashok Saraf) यांनी मॅजिक १०६ एफएमला दिलेल्या मुलाखतीत व्याख्या, विख्खी, वुख्खू या डायलॉगमागचा एक भन्नाट किस्सा सांगितला आहे. अशोक सराफ म्हणाले की, “व्याख्या, विख्खी, वुख्खू हा डायलॉग इतका प्रसिद्ध होईल, असं वाटलंदेखील नव्हतं. त्यावेळेला माझ्याकडून चुकून झालेली ती अॅक्शन होती. ती पुढे कन्टिन्यू केली. व्याख्या, विख्खी, वुख्खू कुठून निघतं? हे स्क्रीप्टमध्ये लिहिलेलं नव्हतं. ते माझं मीच बोललो होतो. जेव्हा धनाजीराव वेष बदलून येतो. मुलाचा बाप बनून येतो तेव्हा तो गेटअप बदलला आणि त्याच्या हातात पाइप दिला. पाइपमधला तंबाखू ओढणे खूप कठीण असतो. तो घश्याला लागतो.समोर शरद तळवळकर उभे होते. मी तोंडात पाइप पकडून काय वाकडोजी धने असा डायलॉग बोलतो. त्यांचं नाव मी कधीच सरळ घेतलं नाही. धणेजी वाकडे काय वाटेल ते नाव घ्यायचो. मी बोललो माळी बुवा आणि तंबाखू घशाला बसला. तेव्हाच माझ्या तोंडून व्याख्या असं शब्द बाहेर पडला. मग तिथे कट म्हटलं. पण त्यावेळी डोक्यात आलं की हेच कन्टिन्यू केलं तर मग मी ते डायलॉग बोललो”. (Ashok saraf iconic dialoges)

दरम्यान, ‘धुमधडाका’ हा चित्रपट ‘प्यार किए जा’ (Pyaar kiye Ja) या हिंदी चित्रपटाचा अधिकृत मराठी रीमेक होता. या चित्रपटात महेश कोठारे, अशोक सराफ (Ashok Saraf) आणि लक्ष्मीकांत बेर्डे (Lasmikant berde) यांनी प्रमुख भूमिका साकारल्या होत्या. ‘धुमधडाका’ चित्रपटासाठी लक्ष्मीकांत बेर्डे यांना महेश यांनी चक्क १ रुपया देत साईन केलं होतं.

==============

हे देखील वाचा : Laxmikant Berde : लक्ष्मीकांत बेर्डे यांना केवळ १ रुपया देऊन ‘या’ दिग्दर्शकाने केले होते साईन

==============

याबद्दल बोलताना महेश म्हणाले होते की, ‘मी तिकडे लक्ष्याला पाहिलं आणि मी खूपच प्रभावित झालो होतो. मी त्याला म्हटलं, मला मेहमूदच्या भूमिकेसाठी अभिनेता सापडला.त्याने ही भूमिका करावी शी इच्छा मी लक्ष्याला बोलून दाखवली. आणि ‘मी त्याला सायनिंग अमाउंट म्हणून १ रुपया दिला आणि त्याने सुद्धा तितक्याच गांभीर्याने माझ्याकडून तो एक रुपया घेतला. तेव्हा माझ्या फायनान्सचा पत्ता नव्हता, पटकथादेखील व्यवस्थित तयार नव्हती.’ आणि अखेर सगळी पात्र नक्की झाल्यावर ‘धुमधडाका’ चित्रपट यशस्वीपणे मोठ्या प़डद्यावर झळकला होता. (Dhum Dhadaka movie making story)