Prarthana Behare आणि Shreyas Talpade पुन्हा झळकणार एकत्र; नव्या प्रोजेक्टची केली घोषणा
Sourav Ganguly ची भूमिका राष्ट्रीय पुरस्कार विजेता कलाकार साकारणार!
सौरव चंडीदास गांगुली… भारतीय क्रिकेटचा दादा… भारतीय क्रिकेट टीमला शिस्त लावणाऱ्या आणि खेळाडूंना जिंकायला शिकवणाऱ्या भारतीय क्रिकेटच्या हिरोवर म्हणजेच सौरव गांगूली (Sourav Ganguly). त्यांच्या जीवनावर लवकरच बायोपिक येणार आहे… महत्वाचं म्हणजे बायोपिकमध्ये सौरव यांची भूमिका साकारणारा अभिनेता फिक्स झाला आहे… भारतीय क्रिकेट संघाचा माजी कर्णधार आणि बीसीसीआयचा माजी अध्यक्ष सौरव गांगुलींची प्रमुख भूमिका बॉक्स ऑफिसवर ५०० कोटींचा टप्पा पार करणारा राष्ट्रीय पुरस्कार विजेता अभिनेता साकारणार आहे…(Bollywood News)
‘स्त्री’, ‘श्रीकांत’, ‘हिट’, ‘व्हाईट टायगर’ असे सुपरहिट चित्रपट देणारा अभिनेता राजकुमार राव (Rajkumar Rao) सौरव गांगूलीची भूमिका त्यांच्या बायोपिकमध्ये साकारणार आहे… दरम्यान, राजकुमार राव या भूमिकेसाठी योग्य आहे असं स्वत: सौरव गांगुलीनेही प्रतिक्रिया दिली आहे…(Biopics)
‘एनडीटीव्ही’ला दिलेल्या मुलाखतीत राजकुमार राव याने बायोपिकबद्दल माहिती देताना म्हटलं की , “हो, मी ही बायोपिक करत आहे. मी लहानपणापासून क्रिकेट खेळत आलोय. हा चित्रपट करताना मजा तर येणार आहेच पण ही आव्हानात्मक भूमिका देखील असणार आहे”.(Latest Entertainment News)
================================
=================================
सौरव गांगूली ऑफ-साइडवरील शॉट्स आणि विशेषत: कव्हर ड्राइव्हसाठी ते प्रसिद्ध होते. सौरव त्यांच्या आक्रमक कॅप्टनशिपमुळे कायमच चर्चेत असायचाे… समोर खेळणारी टीम ऑस्ट्रेलिया असो किंवा पाकिस्तान… सौरव यांनी त्यांच्या बलाढ्य कॅप्टनशिपने भारतीय क्रिकेट संघाला जागतिक स्तरावर मजबूत स्थान मिळवून दिले. वीरेंद्र सेहवाग, युवराज सिंग, झहीर खान, हरभजन सिंग यांसारख्या खेळाडूंनाही त्यांनीच घडवलं. ते भारताचे सर्वात यशस्वी कसोटी कर्णधारांपैकी एक असून 2000-2005 दरम्यान 49 कसोटी सामन्यांपैकी 21 त्याने जिंकले होते. तसेच, त्यांच्या नेतृत्वात भारताने 2001 मध्ये ऑस्ट्रेलियाविरुद्ध ऐतिहासिक कसोटी मालिका जिंकली होती आणि 2002 मध्ये इंग्लंडविरुद्ध नॅटवेस्ट फायनलमध्येही बाजी मारली होती. (Entertainment Tadaka)
Get Latest Marathi Entertainment update | Movies Reviews in Marathi | Celebrities Update in Marathi