Shantanu Moghe : “काम करत राहणं हिच माझी प्रियाला श्रद्धांजली”
मराठी मालिका, नाट्य आणि चित्रपटसृष्टीतील हरहुन्नरी अभिनेत्री प्रिया मराठे (Priya Marathe) हिचं काही दिवसांपूर्वी कॅन्सरमुळे निधन झालं… वयाच्या अवघ्या ३८व्या वर्षी तिने अखेरचा श्वास घेतला… तिच्या निधनामुळे संपूर्ण सिनेसृष्टीत शोककळा पसरली होती… तसेच, तिचा पती शंतनु मोघे (Shantanu Moghe) याच्यातर पायाखलची जमीनच निघून गेली होती… मात्र, आता पुन्हा एकदा शंतनुने काम करण्यास सुरुवात करण्याचा निर्णय घेतला असून “काम करत राहणं हीच प्रियाला माझी श्रद्धांजली आहे”, अशी प्रतिक्रिया त्याने पत्नीच्या निधनानंतर पहिल्यांदाच दिली आहे…
प्रिया मराठे हिचा कर्करोगाचे निदान झाल्यापासून शंतनु तिची काळजी घेत होता.. एकदा कॅन्सरवर मात करणाऱ्या प्रियाला दोन वर्षांपूर्वी पुन्हा एकदा कॅन्सर झाला होता..या सगळ्या कठीण काळात शंतनू मोघेने शेवटपर्यंत तिची साथ दिली… दीड वर्षापासून तोही काम सोडून फक्त प्रियाच्या सोबत वेळ घालवत तिची काळजी घेत होता… अशातच आता पुन्हा एकदा त्याने’येड लागलं प्रेमाचं’ मालिकेत एन्ट्री घेतली आहे… प्रियाच्या निधनानंतर शंतनू पुन्हा मालिकेत दिसत असून त्याने भावना व्यक्त केल्या आहेत.(Marathi Entertainment News)
महाराष्ट्र टाईम्सला दिलेल्या मुलाखतीत शंतनू मोघे म्हणाला की, “मधल्या काळात जवळच्या व्यक्तीला वेळ देणं गरजेचं होतं. म्हणून मी कुठेही दिसलो नाही. आयुष्यातलं ते वळण पार केल्यानंतर आता पुन्हा कामावर परतलो आहे. माझे वडील नेहमी सांगायचे की आपण कलाकार मायबाप रसिकांचे असतो. त्यामुळे वैयक्तिक आयुष्यात किती संघर्ष असला तरी प्रेक्षकांचं मनोरंजन करत राहायचं. त्यात कसर सोडायची नाही. व्यवसायाशी प्रामाणिक राहायचं. वैयक्तिक सुख-दु:ख खुंटीला बांधून आपण साकारत असलेल्या व्यक्तिरेखेचं सुख दु:ख आपलंसं करणं हाच कलाकाराचा धर्म असतो. काहीही झालं तरी आपल्या कलेशी असलेली कमिटमेंट पाळायची हा आपण स्वत:शीच केलेला करार असतो. त्यामुळे काम करत राहणं हीच प्रियाला माझी श्रद्धांजली आहे. आजपर्यंत प्रिया आणि माझ्यावर सर्व प्रेक्षकांनी खूप प्रेम केलं हीच आमची खरी ताकद आहे.”(Priya Marathe death news)
पुढे तो म्हणाला की, “माझी मालिकेत शंतनू ही मंजिरीच्या दादाची भूमिका आहे. या भूमिकेला अनेक छटा आहेत. सध्या मी नकारात्मक भूमिकेत वाटत असलो तरी इतर छटा लवकरच प्रेक्षकांच्या समोर येतील. तसंच मधल्या काळात मला समजून घेतल्याबद्दल मी स्टार प्रवाह वाहिनी, सतीश राजवाडे आणि सोल प्रोडक्शनचा कायमच ऋणी असेन.”
================================
================================
प्रियाच्या निधनानंतर सुबोध भावे, अभिजीत खांडकेकर, मृणाल दुसानिससह अनेक कलाकारांनी भावुक होत प्रतिक्रिया दिल्या होत्या.. शिवाय, प्रत्येकानेच शंतनूचं कौतुक करत कशी त्याने शेवटप्रयंत प्रियाची काळजी घेतली हे देखील बऱ्याच जणांनी सांगितलं होतं… (Entertainment news in marathi)
Get Latest Marathi Entertainment update | Movies Reviews in Marathi | Celebrities Update in Marathi