Kantara : The Legend Chapter 1 चित्रपटातून समोर येणार पंजुर्ली देवाचा इतिहास!

बऱ्याच दिवसांपासून ज्या पॉपर पॅक चित्रपटाची प्रेक्षकांना उत्सुकता होती त्या ‘कांतारा : द लेजंड चॅप्टर १’ चित्रपटाचा ट्रेलर अखेर प्रदर्शित झाला आहे… ऋषभ शेट्टी लिखित, दिग्दर्शित आणि अभिनित कांतारा या २०२२ मध्ये आलेल्या चित्रपटाचा हा दुसरा भाग… खरं तर साऊथ चित्रपट सीक्वेल्स नाही तर प्रीक्वेल्स काढतात आणि प्रेक्षकांना अक्षरश: वेडं करतात… असंच वेड ‘कांतारा १’ ने प्रेक्षकांना लावलं असून या भागात कदंब साम्राज्याची कथा पाहायला मिळणार आहे… (Kantara : The legend Chapter 1 trailer)

‘कांतारा : द लेजंड चॅप्टर १’ चित्रपटाच्या ट्रेलरच्या सुरुवातीला एक लहान मुलगा जंगलात आपले वडिल कसे गायब झाले आणि का झाले याचं उत्तर शोधताना दिसतो… पुढे कथानकात कदंब साम्राज्यातील राजा आणि तेथील गरीब प्रजा यांचं एकमेकांशी असलेलं नातं, आपल्या देवतेच्या आणि जंगलाच्या रक्षणासाठी गावकरी शेकडो सैन्य असलेल्या राजाच्या फौजेशी कसं लढतो आणि देवाचं वास्तव्स या जंगलात कसं अबाधित आहे हे प्रेक्षकांपर्यंत पोहोचवण्याचा प्रयत्न चित्रपटातून केलं आहे… तसं पाहायला गेलं तर अडीच मिनिटांच्या या ट्रेलरमध्ये कथानकाची ओळख जरी करुन दिली असली तरी नेमकं काय दाखवायचं आहे याचं उत्तर मिळत नाही… मात्र, सुरुवातीपासून ते अगदी शेवटपर्यंत ‘कांतारा : द लेजंड चॅप्टर १’ चा ट्रेलर प्रेक्षकांना खिळवून ठेवतो हे नक्की… (Kananda films)

मुळ कन्नड भाषेत असलेला ‘कांतारा : द लेजंड चॅप्टर १’ हा चित्रपट  हिंदी, तेलुगू, मल्याळम, तमिळ, बंगाली आणि इंग्रजी भाषेत रिलीज होणार आहे… विशेष म्हणजे कांतारा : द लेजंड चॅप्टर १  हा पहिला चित्रपट ठरणार आहे ज्याचं डबिंग स्पॅनिश भाषेत होणार आहे… त्यामुळे पुन्हा एकदा राष्ट्रीय पुरस्कारावर आपली मोहोर उमटवण्यासाठी ‘कांतारा : द लेजंड चॅप्टर १’ सह ऋषभ शेट्टी (Rishabh Shetty) सज्ज झाला आहे…

================================

हे देखील वाचा : Dilip Prabhavalkar : ‘कांतारा’ चित्रपटाची Vibe देणारा ‘दशावतार’!

================================

‘कांतारा : चॅप्टर १’ चित्रपटात ऋषभ शेट्टीची प्रमुख भूमिका असून त्याच्यासह चित्रपटात साप्थमी गोवडा, रुक्मिनी वसंत, गुलशन देवैय्या, जयराम यांच्याही महत्वपूर्ण भूमिका आहेत… या चित्रपटाची निर्मिती साऊथमधील सर्वोत्कृष्ट निर्मिती संस्था होम्बले फिल्म्स यांनी निर्मित केली असून या भागाचं बजेट १२५ कोटी आहे… त्यामुळे जबरदस्त कांतारा : चॅप्टर १ च्या ट्रेलरनंतर हा चित्रपट देशभरात ५०० कोटींचा टप्पा पार करेल असं चित्र नक्कीच दिसत आहे… शिवाय, कांताराचा तिसरा भागही येईल अशी शक्यताही ट्रेलरवरुन येत आहे… एका वेगळ्याच संस्कृतीची ओळख जगाला करुन देणाऱ्या आणि साम्राज्यात प्रेक्षकांना घेऊन जाणारा हा चित्रपट २ ऑक्टोबर २०२५ रोजी रिलीज होणार आहे…

Get Latest Marathi Entertainment update | Movies Reviews in Marathi | Celebrities Update in Marathi