Perfect Family Series Trailer: सोशल मिडिया सेन्सेशन गिरिजा ओक च्या नव्या सीरिजचा ट्रेलर रिलीज
सोशल मीडियावर सध्या एकच नाव गाजत आहे, आणि ते नाव आहे अभिनेत्री गिरिजा ओक हीच. आपल्या अभिनयाने चर्चेत असलेल्या गिरिजा ओक लवकरच एक नव्या प्रोजेक्टसोबत प्रेक्षकांच्या भेटीला येणार आहेत. आणि विशेष म्हणजे तिच्याबरोबर अभिनेता पंकज त्रिपाठी ही दिसणार आहे. जे त्यांच्या दमदार अभिनयामुळे ओळखले जातात आणि ते आता एका वेगळ्या भूमिकेत आपल्याला दिसणार आहेत. त्यांच्या ‘ए जार पिक्चर्स प्रोडक्शन’ या निर्मिती संस्थेच्या पहिल्या वेब सीरिजचा ट्रेलर नुकताच समोर आला आहे.आणि या सीरिजचे नाव आहे ‘परफेक्ट फॅमिली’ आहे आणि यामध्ये अनेक दिग्गज कलाकार एकत्र आले आहेत.(Perfect Family Series Trailer)
‘परफेक्ट फॅमिली’ हा एक अद्वितीय वेब सीरिज आहे, जी मानसिक आरोग्याच्या नाजूक आणि संवेदनशील विषयावर आधारित आहे. ज्यात गुलशन देवैया, गिरिजा ओक, मनोज पाहवा, नेहा धुपिया, आणि सीमा पाहवा यांसारख्या नावाजलेल्या कलाकारांचा समावेश आहे. सचिन पाठक यांनी या सीरिजचे दिग्दर्शन केले आहे, आणि यातील प्रत्येक पात्र विविध भावनिक संघर्ष आणि सामाजिक दबावांशी सामना करत आहे. सीरिजचे ट्रेलर एका आनंदी कुटुंबाच्या पार्टीपासून सुरू होते, पण त्यानंतर घरातील तणावपूर्ण वातावरण आणि कुटुंबातील सदस्यांच्या भांडणांनी नवा वळण घेतो.
सीरिजमध्ये दाखवले आहे की, घरातील नकारात्मक वातावरण कुटुंबाच्या एका लहान मुलीवर कसा परिणाम करत आहे. ज्यामुळे ती शाळेत विचित्र वागू लागते, आणि शिक्षक तिच्या वागण्याची चिंता व्यक्त करतात. या मुलीच्या मानसिक आरोग्याची काळजी घेत, नेहा धुपिया यांच्या थेरपिस्टच्या भूमिकेची एंट्री होते. या सीरिजच्या प्रत्येक पात्राची एक छोटी पण महत्त्वाची कथा आहे, जिच्यात ते आपापल्या भावनिक समस्यांवर कसा ताबा घेतात आणि एकमेकांना आधार देण्याचा प्रयत्न करतात.(Perfect Family Series Trailer)
================================
================================
‘परफेक्ट फॅमिली’ हा एक अत्यंत संवेदनशील विषय मांडणारा वेब सीरिज आहे, जो कुटुंबांच्या अंतर्गत नात्यांना, मानसिक आरोग्याच्या आव्हानांना, आणि त्या संदर्भातील व्यक्तिगत आणि कौटुंबिक संघर्षांना वळण देतो. ही सीरिज दर्शवते की कुटुंबाच्या सदस्यांमध्ये असलेली भावनिक जडणघडण आणि सामाजिक दबावांचा एकमेकांवर कसा परिणाम होतो. त्याचबरोबर, मानसिक आरोग्याच्या आव्हानांना समजून घेत, एकमेकांशी संवाद साधून कुटुंबातील नाजूक बंधांना समजून घेण्याचा प्रयत्नही होतो. ‘परफेक्ट फॅमिली’ ही सीरिज जार पिक्चर्सच्या यूट्यूब चॅनल ‘जार सिरीज’वर प्रदर्शित होणार आहे. या सीरिजचा प्रीमियर २७ नोव्हेंबर रोजी होणार आहे, आणि निर्मात्यांनी पहिल्या दोन एपिसोड्स ‘वॉच-फर्स्ट मॉडेल’ अंतर्गत विनामूल्य उपलब्ध केले आहेत. ही सीरिज नक्कीच प्रेक्षकांना मानसिक आरोग्य आणि कुटुंबातील नाजूक संबंधांच्या बाबतीत एक नवीन दृष्टिकोन देईल.