Rani Mukherjeeला लेक आदिराने लिहिलं भावनिक पत्र, म्हणाली, ‘आई-मुलगी आहोत…’

‘राजा की आऐगी बारात’ हा १९९६ मध्ये चित्रपट रिलीज झाला आणि बॉलिवूडला मिळाली एक हरहुन्नरी अभिनेत्री ती म्हणजे राणी मुखर्जी (Rani Mukherjee). इंडस्ट्रीत ३० वर्षांचा अभिनयाचा प्रवास तिने पुर्ण केला. इतकंच नाही तर ३० वर्ष काम केल्यानंतर तिला पहिल्यांदा राष्ट्रीय पुरस्कार देखील नुकताच मिळाला. आता सध्या ती ‘मर्दानी ३’ या चित्रपटातून आपल्या भेटीला येणार असून याच निमित्ताने करण जोहर आणि राणी मुखर्जीच्या गप्पा रंगल्या होत्या. यावेळी राणीच्या मुलीने आदिराने आपल्या आईला लिहिलेलं भावनिक पत्र करणने वाचून दाखवलं आणि तिच्या डोळ्यांत आनंदाश्रु आले.

राणी मुखर्जीचा इंडस्ट्रीतला ३० वर्षांचा प्रवास पुर्ण झाल्याच्या निमित्ताने एक खास कार्यक्रम आयोजित का होता ज्याचं सुत्रसंचन दिग्दर्शक करण जोहर याने केलं होतं. यावेळी राणी सोबतच्या गप्पांमध्ये त्याने तिचा पूर्ण प्रवास उलगडला. तसेच, राणीच्या मुलीने आदिराने आपल्या आईसाठी लिहिलेले पत्र देखील त्याने वाचलं. हे पत्र आदिराने राणीच्या 30 वर्षांच्या सिनेसृष्टीतील प्रवासाच्या निमित्ताने लिहिले होते.

आदिराने पत्रात आपल्या आईबद्दल खूप प्रेम आणि आदर व्यक्त केला. तिने राणीला “जगातील सर्वोत्तम आई” असे संबोधले आणि त्यांच्यातील नात्याची ताकद अधोरेखित केली. पत्रात आदिराने लिहिले की, त्यांनी एकत्र अनेक आठवणी तयार केल्या आहेत ज्या आनंदाच्या, रडण्याच्या आणि मजेदार क्षणांच्या आहेत.

आदिराने या पत्रात तिच्या आईकडून मिळालेल्या गुणांबद्दल आणि त्यांच्या समानतेबद्दल देखील लिहिलं आहे. तिने म्हटले की, तिला आईकडून अभिनय, नृत्य आणि चित्रकलेची कला मिळाली आहे. पण तिने हे देखील नमूद केले की आईचा लवकर राग येणे हा गुण तिला आवडत नाही, परंतु तोही तिच्याकडूनच आलेला आहे. आदिराने पुढे असं देखील लिहिले की, ‘आपण दोघे थोडे वेगळे आहोत, जसे तुला गडद रंग आवडतात आणि मला हलके रंग, पण आपण अनेक बाबतीत सारखेच आहोत आपले दिसणे, सवयी आणि प्रतिभा.’ तिने स्वतःच्या काही गुणांचा उल्लेख करत म्हटले की, ‘माझ्यामध्ये काही गोष्टी आहेत ज्या तुझ्यात नाहीत, जसे की माझ्या शाळेतील गणिताची कौशल्ये.’ पत्राच्या शेवटी आदिराने भावनिक शब्दांत लिहिले ‘सर्व काही बाजूला ठेवले तरी आपण एकाच रक्ताचे आहोत. आपण आई-मुलगी आहोत आणि आपले नाते कायम राहील. मी तुझ्यावर खूप प्रेम करते, मम्मा.’ या शब्दांनी राणीच्या डोळ्यांतून अश्रू आले होते.

================================

हे देखील वाचा : Rekha To Rani Mukherjee : बॉलीवूडचे ‘हे’ कलाकार इन्स्टाग्रामपासून आहेत लांब

================================

दरम्यान, राणीच्या चित्रपटांबद्द बोलायचं झालं तर, ‘कुछ कुछ होता है’, ‘हॅलो ब्रदर’, ‘मेहेंदी’, ‘नायक’, ‘कभी खुशी कभी गम’, ‘चलते चलते’, ‘चोरी चोरी’, ‘कल हो ना हो’, ‘ब्लॅक’, ‘पहेली’, ‘नो वन किल्ड जेसिका’, ‘मिसेस चॅटर्जी इन नॉर्वे’ अशा अनेक चित्रपटांमध्ये तिने कामं केली आहेत.

Get Latest Marathi Entertainment update | Movies Reviews in Marathi | Celebrities Update in Marathi