तन्वी आणि प्रभूच्या नात्यात फूट? Rakhi Sawant ने लावली काडी
महाराष्ट्राच्या घराघरांत सध्या एकच शो गाजतोय आणि तो म्हणजे मराठी बिग बॉसचा सहावा सीझन… पहिल्या आठवड्यापासून जिला कॅप्टन व्हायचं होतं ती तन्वी कोलते अखेर सहाव्या आठवड्यात कॅप्टन झाली असून तिने घराचा ताबा आपल्या हातात घेतला आहे. बरं, या कॅप्टन्सीच्या टास्कमध्ये तिला प्रभूने फारच मदत केली. खरं तर त्याच्या लक मुळे ती जिंकली असं स्वत: तन्वी पण म्हणाली. पण आता या दोन भावा-बहिणींत राखीने काडी टाकली आहे. नेमका दोघांमध्ये काय वाद झालाय?
बिग बॉसच्या घरात रोज नवी नाती तयार होतात आणि तुटतातही.. असंच भाई-बहिणीचं नातं तन्वी आणि प्रभू मध्ये निर्माण झालं होतं खरं पण आता ते पण तुटलंय असं दिसतंय… मध्यंतरी प्राजक्ताने त्यांच्या नात्यावर शंका घेतलेली त्यावेळी तन्वीने तिला सुनावलं होतं. आता समोर आलेल्या नवीन प्रोमो मध्ये तन्वी आणि प्रभू मध्ये फूट पडल्याचे दिसून येते. राखी सावंतने त्या दोघांमध्ये काडी लावली आहे. “तू तिला कॅप्टन होण्यासाठी मदत केली आणि ती तुझ्याशी कशी वागते बघ… !”, असं म्हणून राखीने प्रभूला भडकवलं. प्रभू सुद्धा तिच्या बोलण्यात येतो. यावर तन्वी रागात म्हणते की, तुला जर सगळे बोलतात माझा पदर धरून फिरतोस तर नको येऊस माझ्या मागे… तन्वीचं हे बोलणं ऐकून प्रभूला खूप वाईट वाटतं आणि तो धायमोकलून रडू लागतो.
================================
================================
आता राखीची ही चाल प्रभू आणि तन्च्या लक्षात येणार की दोघांमध्ये फुट पडणार हे येत्या काही दिवसांमध्ये स्पष्ट होईलच… शिवाय, भाऊच्या धक्क्यावर या आठवड्यात कोणाची शाळा घेतली जाणार आणि कोण घराबाहेर जाणार हे देखील पाहणं तितकंच महत्वाचं असणार आहे.
Get Latest Marathi Entertainment update | Movies Reviews in Marathi | Celebrities Update in Marathi