“सलग ५ दिवस सुरूच होतं आणि सहाव्या दिवशी मी रुग्णालयात होते”; मराठमोळ्या अभिनेत्रीने लगावला Deepika Padukone ला टोला
काही महिन्यांपूर्वी दीपिका पादूकोण हिने फक्त ८ तासांची फिल्म सेटवर शिफ्ट असावी असा हट्ट धरला होता. या हट्टापायी तिने स्पिरीट चित्रपटातूनही एक्झिट घेतली होती. इंडस्ट्रीतील काही कलाकारांनी दीपिकाची बाजू घेतली होती त काहींनी तिच्या विरोधातही प्रतिक्रिया दिल्या होत्या. आता हिंदीत आपलं स्थान निर्माण करणाऱ्या मराठी अभिनेत्रीने ८ तासांच्या शिफ्टबद्दल आपलं मत मांडत दीपिकाला टोला लगावला आहे. कोण आहे ती अभिनेत्री आणि ती काय म्हणाली आहे जाणून घेऊयात…
कलाकार दिवसाला १२ तास काम करतो, तर कधी त्याहून अधिक काळ काम करत असतो; त्यामुळे खासगी आयुष्य, कुटुंब यासाठी त्यांना वेळच मिळत नाही. यावर मराठमोळी अभिनेत्री ईशा कोपिकरनेसुद्धा याबद्दलचा तिचा अनुभव सांगितला आहे. सलग ५ दिवस सतत काम केल्यामुळे ईशा कोपिकरला चक्क रुग्णालयात दाखल व्हावं लागलेलं, ईशाने भारती सिंह व हर्ष लिंबाचियाला दिलेल्या मुलाखतीत तिने याबद्दल सांगितलं आहे.
ईशा कोपिकर म्हणाली की, “पण आता तर तुम्ही फक्त ८ तास देणं अपेक्षित असतं. ज्यांना मुलं आहे त्यांना फक्त ८ तास मिळतात.” असं म्हणत तिने दीपिका पादुकोणचं नाव न घेतला तिला टोमणा मारला. यावेळी हर्षने तिला गमतीत कोण म्हणालंय हे असं विचारल्यानतंर तिने हसत “मला नाही माहीत” असं उत्तर दलं. ईशाला पुढे दिवसाला किती वेळ काम करते असं विचारल्यानंतर ती म्हणाली, “ते लोक तुम्हाला तुमच्यामध्ये उभे राहण्याची क्षमता आहे तोवर काम करायला लावतात.” हर्ष यावर हसत म्हणाला, “तुम्ही बेशुद्ध पडण्याच्या १५ मिनिटांपर्यंत ते तुम्हाला काम करायला लावतात.” पुढे ईशाने तिच्या चित्रपटांच्या शूटिंगदरम्यानचा एक अनुभव सांगितला. ईशा म्हणाली, “मी एकेकाळी इतकं सलग काम केलं आहे की मला फिल्म सिटीतून घरी जाण्यासाठीसुद्धा वेळ मिळत नव्हता.”
पुढे ईशा असं देखील म्हणाली की, “मी निर्मात्याला सांगितलं की सेटवरच माझ्या राहण्याची सोय करा. तेव्हा मी ९ ते ५ आणि ७ ते ७ असं सलग शूटिंग करायचे. असं सलग ५ दिवस सुरूच होतं आणि सहाव्या दिवशी मी रुग्णालयात होते. आता तिच्या या विधानानंतर दीपिका काही मत व्यक्त करणार का? ८ तासांच्या शिफ्टवर ठाम राहणार की आपलं मत बदलणार हे पाहणं महत्वाचं असणार आहे.
================================
हे देखील वाचा : Deepika Padukone ठरली मेटा एआयला आवाज देणारी पहिली भारतीय
================================
ईशा कोपिकरच्या चित्रपटांबद्दल म्हणायचं झालं तर, ‘३६ चायना टाऊन’, ‘दिल का रिश्ता’, ‘रुद्राक्ष’, ‘आमदनी अठ्ठनी खर्चा रुपय्या’, ‘क्रिष्णा कॉटेज’, ‘क्या कुल है हम’, ‘हॅलो डार्लिंग’, ‘मैने प्य़ार क्यु किया’, ‘हॅलो’ अशा हिेदीसह काही साऊथ चित्रपटांतही ती झळकली आहे.
Get Latest Marathi Entertainment update | Movies Reviews in Marathi | Celebrities Update in Marathi