Aamir Khan ३० वर्षांनंतर रजनीकांत यांच्या ‘या’ आगामी चित्रपटात दिसणार एकत्र!

सध्या आमिर खान (Aamir Khan) विशेष चर्चेत आहे. लवकरच त्याचा ‘सितारे जमीन पर’ (Sitaare Zameen Par) हा चित्रपट येणार असल्यामुळे चित्रपटाचं प्रमोशन करताना तो दिसतोय. याशिवाय, वेगवेगळ्या मुलाखतींमध्ये त्याने केलेली विधानं देखील लोकांचं लक्ष वेधून घेत आहेत. अशाच एका मुलाखतीमध्ये आमिरने तब्बल ३० वर्षांनंतर रजनीकांत (Rajanikanth) यांच्यासोबत काम करणार असल्याची घोषणा केली आहे. (Bollywood movies)

मिळालेल्या माहितीनुसार, आमिर लोकेश कनागराज दिग्दर्शित ‘कुली’ (Coolie Movie) या आगामी चित्रपटात झळकणार आहे. या चित्रपटात रजनीकांत यांची मुख्य भूमिका असणार आहे. मुलाखतीवेळी चित्रपटाबद्दल बोलताना आमिर म्हणाला की “मला या चित्रपटात काम करताना खूप मज्जा आली. मी रजनीकांत यांचा खूप मोठा चाहता आहे. माझं त्यांच्यावर खूप प्रेम आहे आणि मी त्यांचा खूप आदर करतो, त्यामुळे जेव्हा मला लोकेशने यासाठी विचारलं, तेव्हा मी लगेच होकार दिला.”(South Indian Movie)

दरम्यान, ‘कुली’ चित्रपटापूर्वी आमिर खान आणि रजनीकांत ३० वर्षांपूर्वी एका चित्रपटात झळकले होते. १९९५ मध्ये आलेल्या ‘आतंक ही आतंक’ या चित्रपटात रजनीकांत आणि आमिर खान यांच्यासह चित्रपटात जुही चावला (Juhi Chawala) देखील होती. त्यामुळेत तब्बल ३० वर्षांनंतर पुन्हा एकदा आमिर खान रजनीकांत यांच्यासोबत काम करणार असल्यामुळे त्यांचे चाहतेही उत्सुक आहेत.(Bollywood old movies)

================================

हे देखील वाचा: Amir Khan : बॉलिवूडचा मिस्टर परफेक्शनिस्ट द आमिर खान!

=================================

रजनीकांत यांची मुख्य भूमिका असलेला ‘कुली’ हा चित्रपट १४ ऑगस्ट २०२५ ला प्रदर्शित होणार आहे. यात रजनीकांत यांच्यासह अभिनेते नागार्जुन, श्रुती हासन, पूजा हेगडे, उपेंद्र आणि आमिर खान असे ग्रेट कलाकार झळकणार आहेत. तसेच, आमिर खान लवकरच दादासाहेब फाळके यांचा बायोपिक देखील घेऊन येणार असून ‘महाभारत’ (Mahabharat movie) चित्रपटही प्रेक्षकांच्या भेटीला घेऊन येणार आहे.(Aamir Khan upcoming movies)

Get Latest Marathi Entertainment update | Movies Reviews in Marathi | Celebrities Update in Marathi