Aata Thambayach Naay : चित्रपटाने इतिहास घडवला; सगळीकडे लागले हाऊसफुल्लचे बोर्ड

‘आता थांबायचं नाय’ या चित्रपटाने प्रेक्षकांच्या मनात इतकं खोलवर घर केलं आहे की, पहिल्या आठवड्यानंतर दुसऱ्या आठवड्यात लोकांचा प्रतिसाद अक्षरशः उस्फुर्त ठरला . तिकीटांची मागणी दुपटीने वाढली आणि महाराष्ट्रभर थिएटरमध्ये आता सलग हाऊसफुल्ल शो पाहायला मिळत आहेत. या चित्रपटाचं वादळ उठलंय, वणवा पेटलाय आणि तो वणवा फक्त पडद्यावर नाही, तर प्रेक्षकांच्या भावना, अभिमान आणि अंतर्मनात झगमगतोय. थिएटरबाहेरचे हाऊसफुल्ल बोर्ड, खिडकीवरच्या रांगा, आणि चित्रपट संपल्यानंतर उभं राहून टाळ्या वाजवणारे प्रेक्षक हेच सांगून जातात की हा चित्रपट फक्त डोळ्यांनी नाही, तर मनाने पाहिला जातो.

अर्थात मराठी प्रेक्षक चोखंदळ आहेत. जेव्हा त्यांच्या हृदयाला भिडणारी गोष्ट समोर येते, तेव्हा ती ते मनापासून स्वीकारतात. ‘आता थांबायचं नाय’ ही गोष्ट त्यांनी आपलीशी केली आहे.अनेकांनी एकदा पाहिल्यानंतर घरच्यांना घेऊन पुन्हा थिएटर गाठलं. चित्रपट संपल्यानंतर प्रेक्षक स्तब्ध होतात. डोळे पुसतात आणि एकमेकांना म्हणतात “खूप दिवसांनी काहीतरी खरं पाहिलं.”

या चित्रपटाचं दिग्दर्शक नागराज मंजुळे यांनी देखील कौतुक केलं होतं. ते म्हणाले होते की, “चांगला चित्रपट कसा असतो तर असा असतो.” तर संगीतकार डॉ .सलील कुलकर्णी म्हणाले होते, “धगधगीत माणूसपणाचा… एकमेकांना जपणाऱ्या भल्या माणसांचा चित्रपट!”

================================

हे देखील वाचा: Amir Khan : “ ‘महाभारत’ या ड्रीम चित्रपटात ‘ही’ भूमिका करायला आवडेल”

=================================

मुंबईतील पालिका कर्मचाऱ्याच्या जीवनावर कथानक आधारित असलेल्या या चित्रपटाचं दिग्दर्शन शिवराज वायचळ यांनी केलं असून त्यांचं दिग्दर्शकीय पहिलं पदार्पण आहे. या चित्रपटात भरत जाधव, सिद्धार्थ जाधव, ओम भुतकर, पर्ण पेठे, प्राजक्ता हनमघर, श्रीकांत यादव, किरण खोजे, दीपक शिर्के, प्रवीण डाळिंबकर, रोहिणी हट्टंगडी आणि आशुतोष गोवारीकर असे दिग्गज कलाकार आहेत.