यंदाचा ‘बिग बॉस ओटीटी 3’ शो अभिनेता अनिल कपूर होस्ट करणार

गेल्या अनेक महिन्यांपासून चर्चेत असलेला बहुचर्चित रिअॅलिटी शो ‘बिग बॉस ओटीटी‘ लवकरच तिसरा सीझन घेऊन येत आहे. नुकताच या शोचा नवा प्रोमो व्हिडिओ निर्मात्यांनी शेअर केला होता, ज्यानंतर चाहत्यांमध्ये कमालीची उत्सुकता होती. या शोच्या लाँचिंगची तारीख समोर आली आहे. यावेळी सलमान खानऐवजी सुप्रसिद्ध अभिनेता अनिल कपूर शो होस्ट करताना दिसणार आहे. बिग बॉस ओटीटी ३ च्या प्रीमिअर डेटसोबत अनिलच्या लूकची झलकही दाखवण्यात आली आहे. (Anil Kapoor to Host Big Boss OTT)

बिग बॉस ओटीटी सीझन 3 21 जूनपासून जिओ सिनेमावर स्ट्रीम होणार आहे. ओटीटी प्लॅटफॉर्मने अनिलची ओळख करून दिली आणि लिहिले- अनिल कपूर बिग बॉस ओटीटी 3 चा नवीन होस्ट आहे. मोठ्या पडद्यावर राज्य करण्यापासून ते आता बिग बॉसच्या घरापर्यंत अनिल कपूर खास आहे.

नुकतीच अनिल कपूर यांच्यासह पत्रकार परिषद पार पडली. ‘बिग बॉस ओटीटी आणि मी ड्रीम टीम आहोत. आम्ही दोघंही मनापासून तरुण आहोत. मी रिव्हर्स एजिंग करत आहे, अशी अनेकदा लोक खिल्ली उडवतात, पण बिग बॉसमध्ये तो गुण आहे. काहीतरी नवीन आणि रोमांचक करण्याचा प्रयत्न करत मी पुन्हा शाळेत जात आहे असे वाटते. मी बिग बॉसमध्ये त्याच एनर्जीपेक्षा 10 पट जास्त एनर्जी आणणार आहे’ असे अनिल कपूर यांनी पत्रकार परिषदेत सांगितले.(Anil Kapoor to Host Big Boss OTT)

============================

हे देखील वाचा: अभिनेत्री कंगना रनौतचा लोकसभा निवडणूकीत दणदणीत विजय; बॉलिवूड सेलिब्रिटींकडून ही होतय कौतुक

============================

निर्मात्यांनी अद्याप बिग बॉस ओटीटी 3 च्या स्पर्धकांची यादी शेअर केलेली नाही. पण या यादीत अंदाजित काही स्पर्धकांची नावे समोर आली आहेत. ज्यात रैपर आरसीआर, आशीष शर्मा, गायक नवजीत सिंह, निरवैर पन्नू, जतिन तलवार, निधि तलवार, ख़ुशी, पंजाबन, विवेक चौधरी, चेष्टा भगत, निखिल मेहता, शहजादा धामी, अरहान बहल, अरमान मलिक पायल मलिक या नावांचा समावेश आहे.