आदित्य रॉय कपूरने अखेर ब्रेकअपच्या अफवांवर दिल उत्तर; म्हणाला, ‘मी फालतू बोलण्यात…
अभिनेत्री अनन्या पांडे आणि अभिनेता आदित्य रॉय कपूर बऱ्याच काळापासून एकमेकांना डेट करत आहेत. पण काही दिवसांपासून या दोघांच्या विभक्त होण्याच्या अफवा पसरत आहेत. या अफवा ऐकून त्यांचे चाहते आश्चर्यचकित झाले असून दीर्घकाळ चाललेले हे नाते तुटण्याचे कारण काय आहे, हे जाणून घेण्याची प्रत्येकाची इच्छा आहे. आता आदित्यने एका मुलाखतीत बोलताना सांगितले की, त्याला आपले वैयक्तिक आयुष्य खासगी ठेवायचे आहे. सोशल मीडिया सकारात्मक आणि नकारात्मक अशा दोन्ही प्रतिक्रिया कशा प्रकारे देतो हे त्याने यावेळी स्पष्ट केले. (Aditya Roy Kapoor on Breakup Rumors)
अभिनेता आदित्य रॉय कपूर म्हणाला, “मला वाटतं की मी माझ्या वैयक्तिक आयुष्याबद्दल नेहमीच गप्प राहिलो आहे. मला ते असंच आवडतं. लोकांना माझ्याबद्दल आणि माझ्या वैयक्तिक आयुष्याबद्दल सर्व काही सांगण्याची गरज किंवा इच्छा मला कधीच वाटली नाही. त्यामुळे कदाचित म्हणूनच मी सर्व काही स्वत:कडेच ठेवतो. त्याऐवजी सगळ्यांना माझ्याबद्दल सर्व काही माहित आहे. अभिनेता पुढे म्हणाला की, त्यांना खाजगी गोष्टीत जाण्याची परवानगी का द्यावी? मला नको असलेल्या काही निरुपयोगी बोलण्यावर प्रक्रिया करण्यात मी वेळ का घालवावा? त्याचा मला काहीच फायदा होत नाही.
आदित्य पुढे असं ही म्हणाला, “मला गरज नाही. त्याचा मला काहीच फायदा होत नाही. आपलं मत सर्वांसमोर येऊ शकतं आणि आपलं मत मांडणं त्यांना गरजेचं वाटतं, हे लोकांना ठाऊक असलेला हा आता खेळ बनला आहे. त्यांना फक्त प्रत्येक गोष्टीबद्दल काहीतरी माहिती असणे आवश्यक आहे,’ असे सांगत त्यांनी आपल्या प्रतिमेबद्दल बोलताना आपली हरकत नसल्याचे सांगितले. आदित्य म्हणाला की, तो सोशल मीडियावर तितकासा अॅक्टिव्ह ही नाही.(Aditya Roy Kapoor on Breakup Rumors)
=================================
हे देखील वाचा: रणबीर कपूरचे रक्ताने माखलेले फोटो पाहून नेटकरी ही घाबरले…
=================================
करण जोहरच्या ‘कॉफी विथ करण‘ या शोमधील एक एपिसोडमध्ये त्यांनी सोशल मीडियावर लोक त्याच्याबद्दल काय म्हणत आहेत हे सांगितले. त्यांला त्याची पर्वा नसते. अशा कमेंट्स तो वाचतही नाहीत. तो म्हणाला होता, “फार खोलवर जाण्याची गरज नाही कारण काही लोकांना तू आवडशील आणि काही लोकांना आवडणार नाही.” अनन्यासोबतच्या ब्रेकअपबद्दल आदित्यने स्पष्टपणे सांगितले नसले तरी त्याला आपले वैयक्तिक आयुष्य स्वत:पुरतेच ठेवायचे आहे, असे ही त्याने सांगितले होते.
