Amitabh Bachchan : कौन बनेगा करोडपतीच्या नव्या होस्टचं नाव आहे…

‘कौन बनेगा करोडपती’ (Kaun Banega Crorepati) आणि अमिताभ बच्चन (Amitabh Bachchan) हे समीकरण गेले अनेक वर्ष पक्क आहे. सध्या ‘कौन बनेगा करोडपती’च्या १६ व्या सीझन चे काही एपिसोड शूट करताना अमिताभ बच्चन भावूक झालेले दिसले. याशिवाय सोशल मिडीयावर अमिताभ बच्चन यांनी काही सूचक पोस्ट केल्यामुळे ‘कौन बनेगा करोडपती’चे पुढचे सीझन अमिताभ बच्चन होस्ट करणार नाहीत अशा चर्चा देखील सुरु झाल्या होत्या. इतकंच काय तर शाहरुख खान, ऐश्वर्या राय (Aishwerya Rai-Bachchan) यांची नावं देखील पुढे आली होती. आता यावर स्वत: अमिताभ बच्चन यांनी भाष्य केलं असून पुढच्या सीझनचा होस्ट कोण असेल त्याचं नाव जाहिर केलं आहे. (KBC Season 17)

काही दिवसांपूर्वी एक रिपोर्ट समोर आला होता ज्यात ‘कौन बनेगा करोडपती’ (Kaun Banega Crorepati) या शोमधून अमिताभ बच्चन रिटायर्ड होणार असं म्हटलं गेलं होतं. आणि त्यांच्याजागी नवा होस्ट म्हणून शाहरुख खान, एम.एस.धोनी, ऐश्वर्या राय यांच्या नावाची चर्चा सुरु झाली. मात्र, आता KBCच्या ग्रेड फिनालेमध्ये अमिताभ बच्चन यांनी पुढचा सीझनही मीच होस्ट करणार असं जाहिर करुन रिटायरमेन्टच्या चर्चांना पुर्णविराम दिला आहे. (Entertainment update)

अमिताभ बच्चन म्हणाले की, “केबीसीचा प्रत्येक सीझन सुरु होण्याआधी मी विचार करतो की दरवेळी प्रेक्षकांकडून तेच प्रेम, तोच उत्साह मिळेल का? असा विचार मी कायम करत असतो. आणि प्रत्येक सीझनच्या शेवटी मला प्रेक्षकांकडून आणि या मंचाकडून अपेक्षेपेक्षा जास्तच प्रेम, आदर मिळाला आहे. त्यामुळे कौन बनेगा करोडपतीच्या पुढच्या भागातही आपली भेट होणारच आहे”. (Kaun Banega Crorepati season 16)

===========================

हे देखील वाचा: या चित्रपटात अमिताभ बच्चन यांनी दिली होती प्रत्यक्ष वाघाशी फाईट!

===========================

बच्चन पुढे म्हणाले की, “जाता जाता एकच सांगू इच्छितो, या कार्यक्रमाच्या माध्यमातून कुणाच्याही जीवनात कोणता बदल झाला असेल किंवा आमच्या शब्दांमुळे नवी चेतना कुणाच्या जीवनात आली असेल तर आम्ही हे नक्कीच समजू की गेल्या २५ वर्षांची मेहनत सफल झाली आहे. आपल्या मेहनतीवर विश्वास ठेवा, आपल्या स्वप्नांना जीवंत ठेवा, कधीच थांबू नका आणि कुणासमोरही मान खाली झूकवू नका. जसे आहात तसेच राहा आपण भेटूया केबीसीच्या पुढच्या सीझनमध्ये”. (Reality shows)