Savi A Bloody Housewife Teaser: अनिल कपूर स्टारर ‘सावी’चा थ्रिलरने परिपूर्ण असलेला टीझर रिलीज
दिव्या खोलसा, अनिल कपूर आणि हर्षवर्धन राणे स्टारर ‘सावी : अ ब्लडी हाउसवाइफ’ या चित्रपटाचा टीझर नुकताच प्रदर्शित झाला आहे. या चित्रपटाचे दिग्दर्शन अभिनय डे यांनी केले आहे. मुकेश भट्ट, भूषण कुमार आणि कृष्ण कुमार यांनी या चित्रपटाची निर्मिती केली आहे. हा चित्रपट 31 मे 2024 रोजी प्रेक्षकांच्या भेटीला येणार आहे.’सावी : अ ब्लडी हाउसवाइफ’चा टीझर पाहिल्यानंतर हा चित्रपट अॅक्शन आणि थ्रिलरने परिपूर्ण असेल असा अंदाज नक्कीच बांधला जाऊ शकतो . चित्रपटाच्या टीझरमध्ये दिव्या खोसलाची फक्त एक झलक दाखवण्यात आली आहे. तसेच अनिल कपूर आणि हर्षवर्धन राणे या चित्रपटात कोणती भूमिका साकारत आहेत आणि त्यांचा लूक कसा आहे हे अद्याप सांगण्यात आलेले नाही.(Savi- A Bloody Housewife Teaser)
टीझरची सुरुवात दिव्या खोसला पासून होते, जी कॅमेरा ऑन केल्यानंतर टेबलासमोर बसते आणि लाईट चालू करते. दिव्या खोसला हीच्या चेहऱ्यावर जखमांच्या काही खुणा आहेत. दिव्या म्हणते, ‘ही माझी कबुली आहे. येत्या तीन दिवसांत मी इंग्लंडमधील सर्वात धोकादायक तुरुंगब्रेक करणार आहे. मला ३८ सीसीटीव्ही कॅमेरे, ७५ आर्म गार्ड आणि ४२७ कैदी मिळून हे काम एकट्याला करावे लागणार आहे आणि माझ्याकडे दुसरा काही मार्ग नाही…”
टीझरमध्ये आपण पुढे पाहू शकतो की, इतक्यात एका मुलाचा आवाज येतो, जो म्हणतोय, ‘आई भूक लागली आहे.’ मग दिव्या रडवेल्या आवाजात म्हणते, ‘मी येतेय बाळा.’ मग दीर्घ श्वास घेत दिव्या पुन्हा एकदा कॅमेऱ्याकडे बघते आणि म्हणते, “माझ्याकडे दुसरा मार्ग नाहीये.”यानंतर दिव्या लाईट बंद करून तिथून उठून निघून जाते.
=============================
=============================
काही दिवसांपूर्वी या चित्रपटाचे मोशन पोस्टरही रिलीज करण्यात आले होते. या पोस्टरमध्ये एक महिला हातात किराणा पिशवी घेतलेली दिसत आहे, त्यानंतर दुसऱ्याच क्षणी या महिलेच्या हातात बंदूक आहे. हे पोस्टर रिलीज करताना कॅप्शनमध्ये लिहिलं होतं, ‘कधीकधी दिसणं फसवं ठरू शकतं!’