Jai Somnath Teaser: ‘मंदिरे पाडता येतात, श्रद्धा नाही!’, Sanjay Leela
Apurva Nemlekar Wedding: अपूर्वा नेमळेकरचा जीवनसाथी तनुज गोवळकर नेमका आहे तरी कोण?
मराठी मनोरंजनविश्वातील लोकप्रिय अभिनेत्री, ‘रात्रीस खेळ चाले’(Ratris Khel Chale) मालिकेतून घराघरात पोहोचलेली ‘शेवंता’ म्हणजेच अपूर्वा नेमळेकर (Apurva Nemlekar) हिने आयुष्यातील नवा अध्याय सुरू केला आहे. अपूर्वाने आपल्या खासगी आयुष्याबाबत फारशी चर्चा न करता थेट आनंदाची बातमीच चाहत्यांसोबत शेअर केली. तिने तनुज गोवळकरसोबत लग्नबंधनात अडकत नव्या प्रवासाला सुरुवात केली आहे. व्हॅलेंटाइन डेच्या (Valentines Days)निमित्ताने अपूर्वा आणि तनुज यांनी अत्यंत खास पद्धतीने विवाह केला. १५ फेब्रुवारी रोजी अपूर्वाने लग्नातील सुंदर छायाचित्रे सोशल मीडियावर पोस्ट करत चाहत्यांना सुखद धक्का दिला. मागील काही दिवसांपासून तिच्या लग्नाबाबत चर्चा रंगत होत्या; मात्र अभिनेत्रीने अधिकृत घोषणा करताच शुभेच्छांचा अक्षरशः वर्षाव सुरू झाला.(Apurva Nemlekar Wedding)
अपूर्वाचा जीवनसाथी तनुज गोवळकर (Tanuj Govalkar) हा मनोरंजन क्षेत्राशी संबंधित नसल्याचं समोर आलं आहे. तो कॉर्पोरेट क्षेत्रात एका नामांकित कंपनीत महत्त्वाच्या पदावर कार्यरत असल्याची माहिती मिळते. ग्लॅमरविश्वापासून दूर असला तरी आपल्या व्यावसायिक क्षेत्रात तो यशस्वी असल्याचं सांगितलं जात आहे. त्यामुळे अपूर्वाच्या चाहत्यांमध्ये त्याच्याबद्दल विशेष उत्सुकता निर्माण झाली होती. अपूर्वा आणि तनुजच्या विवाहसोहळ्यातील पेहरावाने सर्वांचेच लक्ष वेधून घेतले आहे. पारंपरिकतेला आधुनिकतेची जोड देत दोघांनीही अत्यंत देखणा आणि रॉयल लुक कॅरी केला.
अपूर्वाने गडद हिरव्या रंगाची नऊवारी पैठणी नेसत पारंपरिक मराठमोळा अंदाज साकारला. जड सोन्याचे दागिने, उठावदार नथ, कपाळावरची चंद्रकोर आणि पेशवाई शैलीतील दागिन्यांची सजावट यामुळे तिच्या सौंदर्यात अधिकच भर पडली. तिचा एकूण लुक अत्यंत एलिगंट आणि दिमाखदार दिसत होता. तनुजने ऑफ-व्हाइट रंगाचा कुर्ता आणि धोतर असा पारंपरिक पेहराव निवडला होता. त्यावर नक्षीकाम केलेले उपरणे घेतल्याने त्याचा लुकही राजेशाही भासत होता. दोघांच्याही वेशभूषेत साधेपणा आणि थाट यांचा सुंदर समतोल पाहायला मिळाला.(Apurva Nemlekar Wedding)
===============================
===============================
मोजक्या नातेवाईक आणि जवळच्या मित्रांच्या उपस्थितीत पार पडलेल्या या समारंभाची खासियत म्हणजे गोपनीयता आणि देखणेपणा. अपूर्वाने सोशल मीडियावर फोटो शेअर करत “नव्या प्रवासाची सुरुवात” असल्याची भावना व्यक्त केली. तिच्या आयुष्यातील या आनंदाच्या क्षणामुळे चाहतेही भारावून गेले असून नवदाम्पत्यावर शुभेच्छांचा वर्षाव होत आहे. अपूर्वा नेमळेकरच्या आयुष्यातील या नव्या इनिंगसाठी चाहत्यांकडून मनापासून शुभेच्छा दिल्या जात आहेत.