Big Boss Marathi 6 : एक नाही तर ३ वाईल्ड कार्ड स्पर्धकांची घरात झाली एन्ट्री; आता राडा ट्रिपल होणार

दिवसागणिक ‘बिग बॉस मराठी’च्या सहाव्या सीझनमध्ये ट्विस्ट येताना दिसत आहेत. काही दिवसांपूर्वीच घरात राखी सावंत हिने पहिली वाईल्ड कार्ड कंटेस्ट म्हणून एन्ट्री घेतली होती. आणि आता आठव्या आठवड्यात घरात एक नाही तर ३ वाईल्ड कार्ड स्पर्धकांची एन्ट्री झाली आहे. त्यामुळे घरात ट्रिपल धमाका आहे. घरातील ३ स्पर्धकांपैकी एक आहे अभिनेत्री रेवा कौरसे, दुसरी आहे संस्कृती साळूंखे आणि तिसरा आहे अभिनेता संकेत पाठक. (Big Boss Marathi 6 wild card entry)

दरम्यान, संस्कृतीच्या एन्ट्रीमुळे रुचिता जरा इन्स्कयुअर झाल्यासारखी वाटत आहे. कारण, विशाल आणि संस्कृती घराबाहेर एकमेकांना ओळखत असल्यामुळे त्याचे पडसाद आता घरात ती आल्या आल्या उमटले आहेत. तसेच, टोळीमधून अनुश्री बाहेर पडली आणि रोशन भजनकर घरातूनच बाहेर पडला. आता घरात आलेले ३ स्पर्धक काटा ग्रुपचा भाग होणार की टोळीचा? की स्वत:च आपली नवी टीम बनवणार हे पाहणं महत्वाचं असणार आहे. (Sanskruti Salunkhe)

================================

हे देखील वाचा : “सलग ५ दिवस सुरूच होतं आणि सहाव्या दिवशी मी रुग्णालयात होते”; मराठमोळ्या अभिनेत्रीने लगावला Deepika Padukone ला टोला

================================

दरम्यान, संकेत पाठक (Sanket Pathak) हा मराठी टेलिव्हिजनवरील लोकप्रिय चेहरा आहे. त्याने ‘लग्नाची बेडी’, ‘छत्रीवाली’ अशा बऱ्याच मालिकांमध्ये काम केलं आहे. तर, संस्कृती साळुंखे ही सोशल मीडिया इन्फ्ल्युएन्सर स्टार आहे. ती ‘जाऊ बाई गावात’, ‘रिएलिटी राणीज ऑफ जंगल’ या शोमध्ये दिसली होती. तर, ‘दिवानियत’, ‘ प्यार का पहला अध्याय:  शिव शक्ती’ या मालिकेतून रेवा कौरसे (Reva Kaurase) हिने प्रेक्षकांचं मनोरंजन केलं आहे. आता या तिघांच्या वाइल्ड कार्ड एन्ट्रीने खेळ कसा बदलतो, हे पाहणं महत्त्वाचं ठरणार आहे.

Get Latest Marathi Entertainment update | Movies Reviews in Marathi | Celebrities Update in Marathi