Big Boss Marathi 6 मध्ये सागर कारंडे ते Gautami Patil सह ‘हे’ कलाकार झळकणार
Big Boss Marathi चं नवीन पर्व कधी एकदा सुरु होत आहे याची सर्वच प्रेक्षक आतुरतेने वाट पाहत आहेत. आणि अनेक दिवसांपासून प्रेक्षक ज्या क्षणाची वाट पाहत होते, तो क्षण अखेर जवळ आला आहे. ११ जानेवारी २०२६ रोजी रात्री ८ वाजता कलर्स मराठीवर बिग बॉस मराठी ६चा बहुप्रतिक्षित धमाका सुरू होणार आहे. यंदाचं पर्व खास ठरणार आहे, कारण या वेळची संकल्पना नेहमीपेक्षा वेगळी आहे. घरामध्ये ‘स्वर्ग आणि नर्क’ अशी अनोखी थीम पाहायला मिळणार असून, स्पर्धकांना अक्षरशः सुख-दुःखाच्या टोकाच्या अनुभवांतून जावं लागणार आहे. प्रेक्षकांचा लाडका होस्ट रितेश देशमुख (Ritesh Deshmukh) पुन्हा एकदा आपल्या हटके शैलीत घरातील सदस्यांना धडे देण्यासाठी सज्ज आहे. स्पर्धकांच्या नावांबाबत सोशल मीडियावर बरीच चर्चा रंगली होती. आता मात्र काही नावांवर शिक्कामोर्तब झाल्याचं समजत आहे.(Big Boss Marathi 6)
मराठी विनोदविश्वातील लोकप्रिय चेहरा सागर कारंडे (Sagar Karande) यंदा बिग बॉसच्या घरात एन्ट्री घेणार आहे. ‘चला हवा येऊ द्या’मधील त्याची टाइमिंग आणि हुशारी या खेळात कशी कामी येते, हे पाहणं उत्सुकतेचं ठरणार आहे. तसेच, अभिनेत्री आणि लेखिका दीपाली सय्यद (Deepali Sayyad ) आपल्या ठाम मतांमुळे आणि बिनधास्त स्वभावामुळे घरात वेगळाच रंग भरतील, अशी चर्चा आहे.तरुण प्रेक्षकांची आवडती अभिनेत्री अनुश्री माने (Anushri Mane) जिने लोकप्रिय वेब सीरिज ‘शाळा’ मधून लोकप्रियता मिळवली , तीही यंदा घरात दिसणार असल्याचं सांगितलं जात आहे. याशिवाय, ‘छत्रीवाली’ आणि ‘दोस्तीगिरी’ फेम चॉकलेट बॉय संकेत पाठक (Sanket Pathak) याची एन्ट्रीही प्रेक्षकांसाठी खास ठरणार आहे.
या अधिकृत नावांव्यतिरिक्त काही चर्चित व्यक्तींची नावंही जोरदार चर्चेत आहेत. जर या स्पर्धकांनी घरात पाऊल ठेवलं, तर खेळ नक्कीच अधिक रंगतदार होईल. यामध्ये लावणी स्टार गौतमी पाटील (Gautami Patil) , वकील गुणरत्न सदावर्ते, सोशल मीडिया स्टार विनायक माळी, डॅनी पंडित, अभिनेत्री गिरीजा ओक आणि धनश्री काडगावकर यांचा समावेश आहे. (Big Boss Marathi 6)
===========================
===========================
मागील सीझनमध्ये ‘झापूक झुपूक’ म्हणत प्रेक्षकांची मनं जिंकणाऱ्या सुरज चव्हाणने विजेतेपद पटकावलं होतं. त्याने ट्रॉफीसह १४.६ लाख रुपयांची रोख रक्कम आणि एक गाडी जिंकली होती. आता यंदाच्या पर्वात कोण प्रेक्षकांचा लाडका ठरेल आणि ट्रॉफीवर आपलं नाव कोरेल, याकडे सगळ्यांचं लक्ष लागलं आहे. रविवार, ११ जानेवारी २०२६ पासून दररोज रात्री ८ वाजताकलर्स मराठीवर बिग बॉस मराठी ६ पाहता येणार आहे. Jio Hotstar वर हा शो कधीही पाहता येईल. यंदाचा बिग बॉस मराठी स्वर्ग दाखवतो की नर्क? हे पाहण्यासाठी प्रेक्षक आता दिवस मोजत आहेत!