हृतिक-फरहान-अभय देओलची पुन्हा गट्टी जमणार! ZNMD चा सीक्वल कन्फर्म
Bigg Boss Marathi 6: ‘चल आपण करून टाकू लग्न’ , राकेश बापटने प्राजक्ताला घातली थेट लग्नाची मागणी?
‘Bigg Boss Marathi 6’ च्या आजच्या भागात घरातील समीकरणं अधिकच गुंतागुंतीची होताना दिसतात. दरम्यान, राकेश दीपालीसमोर आपल्या वैयक्तिक आयुष्याबद्दल मनमोकळंबोलताना पहायला मिळाला . तो आपल्या एक्स पत्नी अभिनेत्री रिद्धी डोगरा (Riddhi Dogara) हिच्याबद्दल सांगतो की, त्यांच्या नात्यात समज होती, पण विचार न जुळल्यामुळे ते दोघे पती-पत्नी म्हणून एकत्र राहू शकले नाहीत. मात्र आजही त्यांच्यात मैत्री कायम असून ते रोज संपर्कात असतात. ,तेव्हा न्हा लग्न करण्याचा विचार नसल्याचंही राकेश स्पष्ट करतो.त्यानंतर घरात पुढे सुरू होतो एक गुप्त प्लॅन. अनुश्री ठरवते की, ती टोळी सोडत असल्याचं खोटं चित्र तयार करायचं. टोळीविरोधात बोलायचं, पण योग्य वेळी टास्कमध्ये त्यांच्याच बाजूने उभं राहायचं असा तिचा डाव असतो. यानुसार ती तन्वीसमोर टोळीविरोधात बोलते. मात्र विशालवर आधीपासूनच विश्वास नसल्यामुळे तन्वीला अनुश्रीवर संशय येतो. अनुश्री हीच गोष्ट राकेश आणि दीपालीलाही सांगते आणि नंतर तेच संभाषण टोळीपर्यंत पोहोचवते.(Bigg Boss Marathi 6)
दुसऱ्या दिवशी सकाळी भांडी घासण्याच्या कामावरून दीपाली, सागर आणि विशाल यांच्यात जोरदार वाद होतो. अनुश्री पुन्हा आपला प्लॅन राबवत सगळ्यांशी वेगवेगळ्या भूमिका घेत बोलते. त्यामुळे दीपाली, तन्वी, प्राजक्ता आणि करण या सगळ्यांनाच तिच्यावर संशय येऊ लागतो. दरम्यान, रुचिता सागरला थेट प्रश्न विचारते की, घरात कोण कॅप्टन होऊ नये असं त्याला वाटतं? यावर सागर स्पष्टपणे तन्वीचं नाव घेतो. याचवेळी बिग बॉस मोठी घोषणा करतात. घरात ‘एन्टरटेन्मेंटची त्सुनामी’ येणार असल्याचं ते सांगतात. त्यासाठी सर्व स्पर्धकांना गोल्डन रेशन कार्ड दिलं जातं आणि पुढील दिवस अधिकच कठीण असतील, असा इशाराही दिला जातो.
त्यानंतर राकेश आणि प्राजक्तामधील संवादही चर्चेचा विषय ठरतो. राकेश आपल्या स्वप्नातील जोडीदाराबद्दल बोलताना म्हणतो की, ‘मी लहानपणी असं म्हणायचो, मी जर कधी लग्न केलं, तर एका गायिकेशी करेन. ती रोज रियाज करेल आणि मी ऐकत राहीन. ती सकाळी उठून ओले केस मोकळे सोडून साडी नेसून तानपुरा वाजवत असेल. तिला तसं गाताना मी बघत बसेन. मग नाही मिळाली अशी.’ पुढे राकेश मुद्दाम प्राजक्ताला म्हणतो, ‘चल प्राजक्ता करून टाकू आपण लग्न. बोल देतो ओपन प्रपोजल, स्वप्न असं दिसतंय मला समोर’ प्राजक्ता राकेशला गप्प करते. प्राजक्ता हे जाऊन करणला सांगते. एपिसोडच्या शेवटी सगळ्यात मोठा धमाका होतो. गार्डन एरियात सगळे स्पर्धक फ्रीज असताना राखी सावंत बिग बॉसच्या घरात एन्ट्री करते. तिच्या आगमनाने घरात एकच गोंधळ उडतो. राखी सगळ्यांची खिल्ली उडवत राकेशला ‘माझे एक्स जीजू’ म्हणते. प्रभू तिच्या समोर पूर्णपणे गोंधळून जातो. राखी आणि प्रभूमधील संवाद, विशालसोबत झालेली बाचाबाची आणि अंड्यांवरून झालेला वाद घरात नवा रंग भरतो. (Bigg Boss Marathi 6)
============================
============================
रुचिता आणि अनुश्री राखीला आपल्या टोळीत घेण्याचा विचार करतात, पण तिचा आत्मविश्वास पाहून त्या स्वतःच गोंधळतात. तन्वी स्पष्टपणे म्हणते की, राखी पूर्ण तयारीनिशी गेम खेळायला आली आहे. ड्युटीच्या चर्चेदरम्यानही राखी आपल्या हटके शैलीने सगळ्यांचं लक्ष वेधून घेते आणि ‘मित्र म्हणजे सगळं करायचं का?’ असा सवाल उपस्थित करते. एकूणच हा भाग वाद, डावपेच, खुलासे आणि राखी सावंतच्या धडाकेबाज एन्ट्रीमुळे प्रेक्षकांसाठी भरपूर मनोरंजन घेऊन आला.