Rashmika Mandanna & Vijay Devarkonda यांनी वेडिंग रिसेप्शनला ‘त्या’ कृतीने
Bigg Boss Marathi 6: ‘डोन्ट टच मी…Get Lost’ घरात नव्या स्पर्धकांची एंट्री होताच रेवा -रुचिता मध्ये वादाची ठिणगी…
Bigg Boss Marathi 6 चा सिझन सध्या प्रेक्षकांमध्ये जबरदस्त चर्चेचा विषय बनला आहे. घरात रोज नवे ट्विस्ट पाहायला मिळत आहेत आणि प्रत्येक स्पर्धकाच्या हालचालींवर चाहत्यांचे लक्ष टिकले आहे. नुकत्याच पार पडलेल्या भाऊच्या धक्क्यांनंतर घरातून रोशन भजनकर बाहेर पडला, पण त्यानंतर घरात आणखी एक थरारक बदल घडला आहे. या सिझनमध्ये तीन वाइल्ड कार्ड स्पर्धकांची एन्ट्री झाली आहे, ज्यांनी घरातील वातावरण पूर्णपणे उलथून टाकले आहे. या नव्या स्पर्धकांची नावं आहेत रेवा कौरासे (Reva Kaurase), संकेत पाठक (Sanket Pathak) आणि संस्कृती साळुंके (Sanskruti Salunkhe). त्यांच्या आगमनामुळे घरातील सदस्यांच्या रणनीतीत बदल झाला आहे आणि प्रत्येकाला या नव्या स्पर्धकांचा अंदाज घेणे आव्हानात्मक ठरत आहे. (Bigg Boss Marathi 6)
पहिल्याच दिवशीच घरात रेवाच्या आणि रूचिताच्या मध्ये तिखट वाद पाहायला मिळाले. रेवाने रूचिताला म्हटले, “रुचिताचा आवाज अजून ऐकायचा नाहीये असं झालंय…” त्यावर रुचिता तिने उत्तर दिले, “मी तुला विचारलंच नाहेय… आली मोठी शहाणी”. हे पाहून घरातील वातावरण अधिक तणावपूर्ण झाले, कारण रेवाने पुन्हा विचारले, “तुम्हाला काय वाटतंय हे सगळं करून तू छान दिसतेस?” रुचिता थेट म्हणाली, “मी छान दिसते, वाईट दिसते मला या सगळ्याचं काहीही देणंघेणं नाहीये. डोन्ट टच मी…Get Lost!” या संवादामुळे घरातील इतर सदस्य आणि प्रेक्षक दोघांनाही या संघर्षाची तग धरणी पडली.
या वाइल्ड कार्ड एन्ट्रीनंतर घरात थरार आणखी वाढला आहे. रूचिताचे बोलणे आणि तिचा आत्मविश्वास अनेकांना आवडला आहे, तर काहींना तिचा तिखट स्वभाव चिढवणारा वाटत आहे. प्रेक्षकांनी सोशल मीडियावरही प्रतिक्रिया दिल्या आहेत, जिथे अनेकांनी रुचिताच्या खेळाचं कौतुक करत कमेंट्समध्ये सांगितले की, ती नेहमी भाऊच्या धक्क्यावर सॉरी बोलून मोकळी होते, किती वाइल्ड कार्ड आले तरी ती सर्वांना पुरून उरेल, आणि रेवाला सपोर्ट म्हणून भिडणे अपेक्षित आहे. काही प्रेक्षकांनी तर म्हटले की, “रेवाला सपोर्ट तू भिड रुचिताला,” ज्यातून घरातल्या नाट्यमय परिस्थितीचे अंदाज घेतले जाऊ शकतात. (Bigg Boss Marathi 6)
=============================
=============================
या वाइल्ड कार्ड ट्विस्टमुळे घरातील रणनीती बदलण्यास सुरुवात झाली आहे. पूर्वीची गटबांधणी, दोस्ती आणि धोरणे आता नव्या स्पर्धकांच्या आगमनानंतर पुन्हा नव्याने आकार घेत आहेत. संकेत पाठक आणि संस्कृती साळुंके यांचा खेळ देखील पाहणाऱ्यांसाठी उत्सुकतेचा विषय ठरत आहे, कारण त्यांची उपस्थिती घरातील संतुलन बदलून टाकू शकते. बिग बॉस मराठीच्या या सिझनमध्ये नवे वाद, नवे गेम, आणि स्पर्धकांमध्ये तणावाची वाढ ही आगामी आठवड्यांमध्ये प्रेक्षकांसाठी मोठा आकर्षण बनणार आहे. या सिझनमुळे बिग बॉसचे चाहते प्रत्येक दिवशी घरातील हालचालींची उत्सुकता बाळगून पाहत आहेत. वाइल्ड कार्ड एन्ट्रीमुळे घरात निर्माण झालेला थरार, प्रेक्षकांचे अपेक्षित प्रतिसाद आणि स्पर्धकांची रणनीती ही सर्व गोष्टी सिझनला अविस्मरणीय बनवत आहेत. आता प्रेक्षकांसाठी हे पाहणे महत्वाचे ठरेल की, नव्या स्पर्धकांच्या आगमनानंतर घरात कोणत्या नवनवीन वाद, खेळ आणि उत्कंठावर्धक क्षण घडतात.