बिग बॉस मराठी : कोण होणार घराचा पहिला कॅप्टन?

बिग बॉस मराठीने मागच्या आठवड्यामध्ये दणक्यात बिगुल वाजवत या पर्वाची सुरुवात केली. या पर्वाचा पहिलाच आठवडा तुफान राडे आणि भांडणांनी गाजवला. पहिल्याच आठवड्यात हे चित्र पाहून संपूर्ण सिझन किती आणि कसा कसा गाजेल याचा अंदाज आता आपण वर्तवू शकतो. बिग बॉसच्या घरात फक्त राहणे महत्वाचे नसते तर त्या घरातले विविध टास्क पूर्ण करणे आणि ते जिंकणे देखील आवश्यक असते.

बिग बॉसच्या घरातील सर्वात महत्वाचे टास्क असते कॅप्टनशिपचे. या घरामध्ये कॅप्टन होणे खूपच मोठी, महत्वाची आणि ल्हासा बाब असते. घरातील प्रत्येक खेळाडूला आपण कॅप्टन व्हावे असेच वाटत असते. त्यासाठी हे सर्व खेळाडू जी जान लावून टास्क पूर्ण करण्याचा प्रयत्न करताना दिसतात. तर बिग बॉस मराठीच्या पाचव्या पर्वातील पहिल्या कॅप्टनशिप पदाचा टास्क पार पडणार आहे.

आजच्या भागात ‘बिग बॉस’च्या घरात ‘कॅप्टनसीची बुलेट ट्रेन’ हा टास्क पार पडणार आहे. नुकताच या भागाचा एक प्रोमो सोषसील मीडियावर प्रदर्शित करण्यात आला असून, यामध्ये स्पर्धक घराचा कॅप्टन होण्यासाठी टास्क करताना दिसत आहे. या टास्कमध्ये जो कोणी बाजी मारणार आणि या आठवड्याचा कॅप्टन होण्याचा मान मिळणार हे पाहण्यासाठी सर्वच प्रेक्षक उत्सुक आहेत. जो स्पर्धक हा कॅप्टनशिपचा टास्क जिंकेल तो पाचव्या पर्वाचा पहिला कॅप्टन होणार आहे.

स्पर्धकांनी केलेल्या चुकांमुळे पहिल्या आठवड्यात बिग बॉस मराठीच्या घरातील कॅप्टन्सी रद्द करण्याची शिक्षा देण्यात आली होती. आता प्रदर्शित झालेल्या प्रोमोमध्ये पाहू शकतो की, ‘बिग बॉस मराठी’च्या घरात ‘कॅप्टनसीची बुलेट ट्रेन’ हे पहिले कॅप्टनसी कार्य पार पडणार आहे. घरातील सर्व सदस्य कॅप्टन होण्यासाठी दिलेला टास्क पूर्ण करण्यासाठी खूपच प्रयत्न करताना दिसून येत आहेत. या टास्कमध्ये बुलेट ट्रेनमधील एका सीटसाठी राडा होताना पाहायला मिळत आहे. घरातील पहिला कॅप्टन होण्यासाठी सर्व स्पर्धक जोरदार प्रयत्न करत एकमेकांसोबत लढताना दिसत आहे.

========

हे देखील वाचा : जेव्हा चार दिग्गज स्वर एका गाण्यासाठी एकत्र येतात…

========

प्रोमोमध्ये दिसत आहे त्यावरून कॅप्टन्सीच्या टास्कमध्ये स्पर्धकांनी बुलेट ट्रेनमध्ये असलेल्या सीटवर जाऊन बसायचे आहे. जो स्पर्धक त्या सीटवर जास्तीत जास्त वेळ बसून राहील तोच बिग बॉसच्या घराचा पहिला कॅप्टन होणार आहे. या टास्कदरम्यान अभिजीत सावंत आणि अरबाज पटेल यांच्यामध्ये सीटवरून जोरदार भांडण होताना दिसत आहे. अभिजीत सीटवर बसलेला असूनही, अरबाज त्याच्या अंगावर बसताना दिसत आहे.

तर दुसरीकडे अंकिता देखील तिची सीट वाचवण्यासाठी प्रयत्न करताना दिसत आहे. यादरम्यान तिला देखील खूप त्रास होतो. ती प्रोमोमध्ये टास्कदरम्यान “‘बिग बॉस’ प्लीज मला हर्ट होत आहे.” असे म्हणता देखील दिसत आहे. आता हा टास्क कोण जिंकणार आणि कोण बिग बॉसच्या या पर्वाचा पहिला कॅप्टन होणार हे लवकरच समजेल.