बॉलीवुड अभिनेत्रींच्या कपड्यांचे भाव ऐकून येईल चक्कर;ड्रेसच्या किमतीत खरेदी करता येईल घर !

बॉलीवूड हे फॅशन आणि सौंदर्याचं दुसरं नाव आहे. येथे तुम्हाला प्रत्येक कलाकार एकापेक्षा एक ड्रेस परिधान केलेले दिसतील. स्टार्सनी परिधान केलेले हे कपडे नंतर फॅशनचा भाग बनतात, जे सर्वसामान्य लोक फॉलो करतात. रुपेरी पडदा असो किंवा रिअल लाईफ, ते कलाकार स्टायलिश कपडे घालण्यासाठी ओळखले जातात. खास करुन बॉलीवुड अभिनेत्री. या अभिनेत्री आपल्या स्टाईल स्टेटमेंटने फॅशनला एका उंचीवर घेऊन जात आहेत. ग्लॅमरच्या दुनियेत ग्लॅमरस दिसला नाहीस तर काय बघणार? आपण आतापर्यंत एकापेक्षा जास्त ड्रेसमध्ये फिल्म स्टार्सना पाहिलं असेल, पण जर आम्ही तुम्हाला त्यांच्या ड्रेसच्या किंमतीचा अंदाज घ्यायला सांगितलं तर तुम्ही नक्कीच अपयशी व्हाल. बॉलीवूड असो वा टॉलिवूड स्टार्स, प्रत्येकजण इतरांपेक्षा वेगळा दिसण्यासाठी स्वत:वर लाखो रुपये खर्च करतो. ते इतके पैसे त्या साथी मोजतात की त्या पैशात तुम्ही एक घर खरेदी करू शकाल. विश्वास बसत नाहीये ना? पण हे खर आहे आजच्या लेखात आपण जाणून घेणार आहोत खास अभिनेत्रीच्या ड्रेसची साधारण किंमत किती असेल? या प्रश्नाचे उत्तर. (Bollywood Actress Dress Price)

दीपिका पादुकोण 

बॉलिवूडची सुपरस्टार अभिनेत्री दीपिका पदुकोण कुठल्याही चित्रपटात असली तरी तिची हिट होण्याची शक्यता अधिकच वाढते. दीपिका प्रत्येक पार्टी आणि समारंभात उत्तम कपड्यांमध्ये दिसते, तिच्या नॉर्मल ड्रेसची किंमतही आपल्यापेक्षा खूप जास्त आहे. दीपिकाने मेट गाला 2019 मध्ये 75000 डॉलर म्हणजेच 50 लाख 50 हजार रुपयांचा ड्रेस परिधान केला होता.

ऐश्वर्या राय बच्चन

बॉलिवूड अभिनेत्री आणि माजी मिस वर्ल्ड ऐश्वर्या रायला कोण ओळखत नाही? आपल्या सौंदर्याने पुरुष चाहत्यांच्या मनावर अधिराज्य गाजवणाऱ्या ऐश्वर्याला ब्रँडेड आणि महागड्या कपड्यांचीही खुप आवड आहे. मुकेश अंबानी यांच्या एका पार्टीत तिने सुमारे 3 लाख 70 हजार रुपये किमतीचा टक्सेडो गाउन परिधान केला होता.

सोनम कपूर

बॉलिवूड अभिनेता अनिल कपूरची मुलगी आणि अभिनेत्री सोनम कपूरदेखील स्वत:ला वेगळे करण्यासाठी लाखो रुपये खर्च करते. एका खास फंक्शनमध्ये तिने 4 लाख 36 हजार रुपयांचा ड्रेस परिधान केला होता.(Bollywood Actress Dress Price)

प्रियांका चोप्रा

अभिनेत्री प्रियांका चोप्रा देखील राल्फ अँड रुसो डिझायनर कंपनीने डिझाइन केलेल्या ड्रेसमध्ये ग्रॅमी पुरस्कार 2020 मध्ये दिसली. डायमंड्स आणि झरीपासून बेली बटनपर्यंत डीप नेक गाउन परिधान केलेली प्रियांका अतिशय सुंदर दिसत होती आणि प्रियांकाच्या पांढऱ्या रंगाच्या बोल्ड आणि सुंदर गाऊनची किंमत 78,200 पौंड म्हणजेच जवळपास 77 लाख रुपये होती.

=======================

हे देखील वाचा: Nora Fatehi बनली आंतरराष्ट्रीय गायिका; तिच्या सेक्सी व्हिडीओने घातला धुमाकूळ 

=======================

आलिया भट्ट

बॉलिवूडची क्यूट आणि चमकदार अभिनेत्री आलिया भटबद्दल तुम्हाला माहिती असेलच. रणबीर कपूरशी लग्न करून आई झाल्यानंतर ती सध्या आपल्या कुटुंबासोबत वेळ घालवत आहे. 2018 सालच्या एका अवॉर्ड फंक्शनमध्ये आलियाने 23 लाख रुपयांचा ड्रेस परिधान केला होता.