गौतमी पाटिल ‘द महाराष्ट्र फाईल्स’ या मराठी चित्रपटात थिरकणार…
सबसे कातिल गौतमी पाटिल या नावाची ओळख महाराष्ट्राला सांगण्याची गरज नाही. सोशल मीडिया स्टार गौतमी पाटिल ही स्टेज डान्सर म्हणून महाराष्ट्रात प्रसिद्ध आहे. चुकीचे हावभाव करून लावणी केल्याप्रकरणी तिच्यावर सर्व स्तरातून टिका करण्यात आली होती आता मात्र भविष्यात असा प्रकार पुन्हा होणार नसल्याचे तिने स्पष्ट केले आहे. संजीवकुमार राठोड निर्मीत व दिग्दर्शित “द महाराष्ट्र फाईल्स” या आगामी मराठी चित्रपटात गौतमी पाटिल थिरकताना दिसणार आहे. आजपर्यंत महाराष्ट्राने गौतमी ला पारंपारिक वेशभूषेत पाहीले आहे. पण आता या चित्रपटात गौतमी ही एका हिंदी गाण्यावर डान्स बार गर्ल च्या लुक मध्ये दिसणार आहे. महाराष्ट्रामध्ये गौतमी चे करोडो चाहते आहेत. या लुक मध्ये पाहण्याची उत्सुकता तरुण वर्गात मोठ्या प्रमाणावर आहे. गौतमी ला डान्स बार गर्ल च्या रुपात पाहण्यासाठी प्रेक्षक उतावीळ होत आहेत. हा बिग बजेट चित्रपट असून या चित्रपटात मोठी स्टार कास्ट आहे. “द महाराष्ट्र फाईल्स “ हा चित्रपट संपुर्ण महाराष्ट्रात, देशात व जगभरात 850 पेक्षा अधिक चित्रपटगृहात रिलीज होणार आहे. या चित्रपटात संजीवकुमार राठोड हे लेखक, निर्माते व दिग्दर्शक आहेत. संजीवकुमार राठोड यांनी माजी सेन्स‌र बोर्ड सदस्य, भारत सरकार मध्ये प्रदिर्घ काळ काम केले आहे.(Gautami Patil Marathi Movie)
“द महाराष्ट्र फाईल्स ” हा चित्रपट पहिल्याच दिवशी 850 चित्रपटगृहात रिलीज होणारा हा पहिला मराठी चित्रपट आहे. या चित्रपटात संजीवकुमार राठोड हे लेखक, निर्माते व दिग्दर्शक आहेत. संजीवकुमार राठोड यांनी माजी सेन्स‌र बोर्ड सदस्य, भारत सरकार मध्ये प्रदिर्घ काळ काम केले आहे.या चित्रपटात आपल्याला मंगेश देसाई, उषा नाडकर्णी, प्रणवराव राणे, सयाजी शिंदे, रोहीत चौधरी,नागेश भोसले, वीणा जामकर, आर्यन राठोड, नितीन जाधव, सुरेश पिल्ले, सुनिल गोडसे, कृतीका तुळसकर, सुशिल राठोड, मानसी चव्हाण, वीरुस्वामी, रवि धनवे, प्रमोद गायकवाड यांच्या भूमिका पाहायला मिळतील.
या चित्राटाताला संगीत नितीन-अजित, सिदार्थ कश्यप, संजय लोंढे यांनी दिले आहे. कला दिग्दर्शन उल्हास नान्द्रे व जगन्नाथ हातनकर व अफसर खान यांनी केले आहे. गायन अजय अतुल फेम अजय गोगावले, आनंद शिंदे, वैशाली माडे, साक्षी होळकर , अमरिश आणि शांताबाई फेम संजय लोंढे यांनी केले आहे.या चित्रपटाची सहनिर्माती शालीनी राठोड व रोहीत चौधरी यांनी केली असून विक्रांत अंटील हे क्रियेटीव्ह प्रोडूसर आहेत. शादाब अख्तर व विकास मिश्रा हे कार्यकारी निर्माता आहेत संजय आर, किरण कोळी व सुनीता गोन्सलवीस हे प्रोडक्शन मॅनेजर आहेत, सोम चव्हाण यांनी व्हिज्युअल प्रोमोशन केले आहे.(Gautami Patil Marathi Movie)
=================================
हे देखील वाचा: ‘अल्याड पल्याड’ चित्रपटात मकरंद देशपांडे दिसणार वेगळ्या भूमिकेत…
===================================
हा चित्रपट सामाजिकरित्या वंचित व दुर्बल घटकावर व त्यांच्या समस्यावर आधारीत आहे. या चित्रपटाचे वैशिष्ट्य म्हणजे या चित्रपटामध्ये शांताबाई या फेमस गाण्यावर सनि लियोनी थिरकणार आहे. हरियानाची डान्सर सपना चौधरी पहिल्यांदा मराठमोळ्या रूपात दिसणार आहे. व गौतमी पाटिल ह्या डान्सबार गर्लच्या रूपात मराठी चित्रपटामध्ये हिंदी गाण्यावर थिरकताना दिसणार आहे
