अपूर्वा पाडगावकर सोबतच्या घटस्फोटाच्या बातमीवर अखेर दिव्या अग्रवालने सोडले मौन, म्हणाली तो माझ्या…

बिग बॉस ओटीटी विजेती आणि अभिनेत्री दिव्या अग्रवालने पती अपूर्वा पाडगावकरसोबत घटस्फोटाच्या बातमीवर अखेर मौन सोडले आहे. दिव्याने अचानक तिच्या इन्स्टाग्राम अकाऊंटवरून लग्नाचे सर्व फोटो डिलीट केले. तिच्या या कृतीने चाहते आश्चर्यचकित झाले आणि तिच्या घटस्फोटाच्या अफवा उडू लागल्या, पण दिव्याने आता इन्स्टाग्रामच्या माध्यमातून या अफवांवर आपली प्रतिक्रिया दिली आहे. दिव्या अग्रवालने तिच्या इन्स्टाग्राम स्टोरीमध्ये स्पष्ट केले आहे की, तिच्यात आणि तिचा पती अपूर्वा पाडगावकर यांच्यात सर्व काही ठीक आहे. दिव्या असं ही म्हणाली की, तिने तिच्या अकाऊंटवरून इतर अनेक पोस्ट काढून टाकल्या आहेत, परंतु मीडियाने “फक्त माझे लग्न पाहणे आणि प्रतिक्रिया देणे पसंत केले”.(Divya Agarwal on Divorce Rumours)

दिव्या अग्रवाल पुढे अस ही म्हणाली की, भविष्यात तिचे काम माध्यमांमध्ये चर्चेचा विषय व्हावे अशी तिची इच्छा आहे. “मी काही आवाज केला नाही… मी कुठलीही कमेंट किंवा स्टोरी केली नाही… मी २५०० पोस्ट डिलीट केल्या, तरीही मीडिया फक्त माझ्या लग्नाला पाहण्याचा आणि प्रतिक्रिया देण्याचा निर्णय घेतो.

दिव्याने पुढे असं ही लिहीले आहे की, ‘लोक माझ्याकडे कसे पाहतात आणि माझ्याकडून काय अपेक्षा करतात हे विचित्र आहे. मी नेहमीच असे काही केले आहे ज्याची लोकांना माझ्याकडून कधीच अपेक्षा नव्हती. आणि आता त्यांना काय अपेक्षित आहे- मुले की घटस्फोट? तसे काहीही घडत नाही. खरं तर, माझ्या प्रोफाईलवरील माझी पहिली पिन केलेली पोस्ट (कार्टेल रिव्ह्यू) ही अशी गोष्ट आहे ज्याबद्दल मला आतापासून बोलायचे आहे. प्रत्येक सिनेमाचा शेवट सुखद असतो आणि देवाच्या कृपेने माझा नवरा माझ्या शेजारीच घोरत आहे.'(Divya Agarwal on Divorce Rumours)

===========================

हे देखील वाचा: Aishwarya Rai Bachchan च्या हाताला नेमकी कशी झाली दुखापत? समोर आले खरे कारण

===========================

दिव्या अग्रवाल आणि बिझनेसमन अपूर्वा पाडगावकर यांनी २० फेब्रुवारी ला लग्न गाठ बांधली. लग्नापूर्वी ई टाइम्सला दिलेल्या मुलाखतीत दिव्या अग्रवाल ने अपूर्वा पाडगावकर बद्दल बोलताना सांगितले की, “त्यानी मला पुन्हा जिवंत केले. वडिलांचे निधन झाले तेव्हा मी मंदिरात जाणे बंद केले होते, मी गोष्टींवर विश्वास ठेवणे बंद केले होते. पण त्यानी माझ्या आयुष्यावर विश्वास पुन्हा प्रस्थापित केला, त्यामुळे त्याबद्दल मी सदैव आभारी राहीन, असे ती म्हणाली. अखेर अशी पोस्ट करत दिव्याने तिच्या आणि अपुर्वाच्या घटस्फोटोवर टिपणी करणार्यांची तोंड बंद केली आहेत.