हेमंत ढोमे आणि अनुजा साठेने शेअर केले एकमेकांचे सिक्रेट 

मराठी सिनेसृष्टीला ‘बघतोस काय मुजरा कर’, ‘बस स्टॉप’, ‘बाबू बॅन्ड बाजा’, ‘ऑनलाईन बिनलाईन’,’ मी पण सचिन’ यांसारखे धमाकेदार चित्रपट दिल्यानंतर आता श्रेयश जाधव आणखी एक भन्नाट चित्रपट घेऊन प्रेक्षकांच्या भेटीला येण्यास सज्ज झाला आहे. यापूर्वी श्रेयश जाधव यांनी ‘मी पण सचिन’चे लेखन, दिग्दर्शन केले होते. आता आणखी एका नवीन चित्रपटाचे लेखन, दिग्दर्शन त्यांनी केले आहे. श्रेयस जाधव दिग्दर्शित ‘फकाट‘ चित्रपट २ जून रोजी प्रेक्षकांच्या भेटीला येत आहे. काही दिवसांपूर्वीच या चित्रपटाचे ट्रेलर प्रेक्षकांच्या भेटीला आला होता. आणि ट्रेलरवरून हा हायली कॉन्फिडेंशियल धिंगाणा सिनेमागृहात धुमाकूळ घालणार असल्याचे दिसतेय.नुकत्याच या चित्रपटाच्या निमित्ताने हेमंत ढोमे आणि अनुजा साठे यांनी एका मुलाखतीदरम्यान एकमेकांचे कॉन्फिडेन्शिअल सिक्रेट शेअर केले आहेत.अनुजाला भरपूर खाण्याची सवय असल्याचे गुपित हेमंतने उघड केले आहे तर हेमंतच्या पोटात कोणतेही सिक्रेट राहत नसल्याचे सिक्रेट अनुजाने सांगितले आहे.(Fhakaat Marathi Movie)

एकमेकांची पोल खोलण्याबाबत दोघांनी खुलासाही केला आहे. ”अनुजा खूप खाऊ शकते. फिट राहण्यासाठी, दिसण्यासाठी अनुजा खूप कष्ट घेते, हे मला माहित आहे. परंतु ती जर एकदा खायला बसली तर ती भरपूर खाऊ शकते. हे मी स्वतः पाहिले आहे.” अस हेमंत म्हणाला तर ” हेमंत आणि माझी खूप चांगली मैत्री आहे. तो वाईट नाही परंतु त्याच्या पोटात काहीच राहात नाही. एखाद्याचे सिक्रेट तो सिक्रेट ठेवूच शकत नाही. आज जर मी त्याला एखादी गोष्ट सांगितली तर रात्रीपर्यंत ती गोष्ट कोणालातरी सांगणारच आणि त्याची ही सवय कितीही केलं तरी न जाणारी आहे, हे तो स्वतः सांगतो.” अस अनुजा हेमंत बद्दल म्हणाली.  

दरम्यान ‘फकाट’च्या निमित्तानं हेमंत ढोमे पहिल्यांदाच एक मुस्लिम पात्र साकारत आहे. तर अनुजा साठे यात पाकिस्तानी मुलीच्या भूमिकेत दिसणार आहे. वक्रतुंड एंटरटेनमेंट्स, गणराज स्टुडिओज प्रस्तुत, नीता जाधव निर्मित ‘फकाट‘ या चित्रपटात हेमंत ढोमे, अनुजा साठे यांच्याबरोबर सुयोग गोऱ्हे, रसिका सुनील,  अविनाश नारकर, नितीश चव्हाण, महेश जाधव, किरण गायकवाड आणि कबीर दुहान सिंग यांच्याही प्रमुख भूमिका आहेत. (Fhakaat Marathi Movie)

===========================

हे देखील वाचा: ‘फकाट’ सिनेमाच्या शूट दरम्यान सुयोग गोऱ्हे ने रसिका सुनील ला केले किस आणि… 

===========================

”पुन्हा एकदा एक धमाल चित्रपट घेऊन मी प्रेक्षकांच्या भेटीला येत आहे. हा ॲक्शन कॅामेडी चित्रपट असून सध्यातरी यातील अनेक गोष्टी कॉन्फिडेन्शिअल आहेत. येतील हळूहळू समोर. हा एक कौटुंबिक सिनेमा असून ‘फकाट’ प्रेक्षकांचे नक्कीच मनोरंजन करेल.” असा विश्वास दिग्दर्शक श्रेयश जाधव यांनी व्यक्त केला आहे.