Padma Awards 2026: धर्मेंद्र यांना मरणोत्तर पद्मविभूषण पुरस्कार जाहीर; तर, आर. माधवनचाही होणार खास सन्मान
७७व्या प्रजासत्ताक दिनानिमित्त पद्म पुरस्कार विजेत्यांची यादी जाहिर करण्यात आली. कलाविश्वातील दिग्गजांना पद्म पुरस्कारांनी गौरवण्यात येणार असून यात काही दिवंगत ग्रेच कलावंतांच्या नावाचा देखील समावेश आहे. भारतीय चित्रपटसृष्टीतील ही-मॅन पद्मभूषण धर्मेंद्र यांना मरणोत्तर पद्म विभूषण पुरस्काराची घोषणा करण्यात आली असून यात साऊथच्या कलाकारांचाही समावेश आहे. जाणून घेऊयात पद्म पुरस्कार विजेत्यांची नावं. (Padma Award Winners 2026)
दिवंगत अभिनेते धर्मेंद्र सिंग देओल (Dharmendra) यांना मरणोत्तर पद्मविभूषण पुरस्काराने सन्मानित केले जाणून असून दिवंगत अभिनेते सतीश शाह यांना देखील मरणोत्तर पद्मश्री पुरस्कार प्रदान करण्यात येणार आहे. तसेच, भारतीय जाहिरात क्षेत्राचे शिल्पकार पियुष पांडे यांना देखील मरणोत्तर पद्मभूषण पुरस्काराने सन्मानित केले जाणार आहे. (Satish Shah)
तसेच, हिंदुस्तानी शास्त्रीय व्हायोलिन वादक डॉ. एन. राजम यांना पद्मविभूषण, गायिका अलका याज्ञिक आणि मल्याळम सुपरस्टार अभिनेते मामुटी (Mammootty) यांना पद्मभूषण पुरस्काराने सन्मानित केले जाईल. तर, ज्येष्ठ अभिनेते अनिल कुमार रस्तोगी, अभिनेता आर. माधवन, अभिनेते-दिग्दर्शक अरविंद वैद्य, गायक भरत भारती सिंह, पालघरमधील वारली संगीतकार भिकल्या लाडक्या धिंडा, प्रसिद्ध तमाशा कलावंत रघुवीर खेडकर आणि बंगाली अभिनेता प्रोसेनजीत चॅटर्जी यांना पद्मश्री पुरस्कार देत त्यांचा गौरव केला जाणार आहे.
================================
हे देखील वाचा : राष्ट्रीय पुरस्कार विजेता मराठमोळा गायक झळकणार शाहिद कपूरच्या O’Romeo चित्रपटात!
================================
दरम्यान, मिळालेल्या माहितीनुसार, २०२६ साठी राष्ट्रपतींनी १३१ पद्म पुरस्कार प्रदान करण्यास मान्यता दिली असून या यादीमध्ये ५ पद्मविभूषण, १२ पद्मभूषण आणि ११३ पद्मश्री पुरस्कारांचा समावेश आहे. तसेच या यादीमध्ये परदेशी, एनआरआय, पीआयओ, ओसीआय श्रेणीतील ६ व्यक्तींचा देखील समावेश आहे. (Entertainment News)
Get Latest Marathi Entertainment update | Movies Reviews in Marathi | Celebrities Update in Marathi