नॅशनल क्रश Girija Oak हिला आहे पिळगांवकरांच्या ‘या’ गाण्याचा ट्रॉमा
सध्या मराठी चित्रपटसृष्टीतील २ नावं विशेष चर्चेत आहेत, ती म्हणजे सचिन पिळगांवकर (Sachin Pilgoankar) आणि गिरीजा ओक (Girija Oak)… हिंदीत तर नॅशनल क्रशन म्हणून ओळख मिळवणारी गिरीजा सध्या तरुणाईच्या गळ्यातील ताईत झाली आहे, आणि महागुरु त्यांच्या आठवणींच्या किस्स्यामुळे कायमच ट्रेण्डिंग असतात… आता झालंय असं की गिरीजा ओक हिने चक्क तिला सचिन पिळगांवकरांच्या एका गाण्याचा ट्रॉमा असल्याचं विधान केलं आहे… आता ते नेमकं कोणतं गाणं आहे आणि त्याचं कारण काय आहे जाणून घेऊयात…(Marathi Movie)
तर, सचिन पिळगांवकरांनी आजवर मराठीत एकापेक्षा एक सुपरहिट चित्रपट दिले आहेत… दिग्दर्शक आणि अभिनेता म्हणून त्यांनी ९०चं दशक विनोदी मराठी चित्रपटांनी भरुन टाकलं होतं… आणि त्यातलाच ऑल टाईम फेव्हरेट चित्रपट म्हणजे ‘अशी ही बनवाबनवी’. सचिन पिळगांवकर, अशोक सराफ, लक्ष्मीकांत बेर्डे या त्रिकुटाने मराठी चित्रपटसृष्टीला सुवर्णकाळ दाखवला आहे… शिवाय या चित्रपटाने मराठी चित्रपटसृष्टीतील बरेचसे रेकॉर्ड्सही मोडले होते… आणि याच चित्रपटातील एक गाणं गिरीजाला ट्रॉमटाईज करणारं आहे… (Laxmikant Berde and Ashok Saraf)
गिरिजा ओक हिने ‘इसापनिती’ला दिलेल्या मुलाखतीत आपल्या ‘दोन स्पेशल’ या नाटकाच्या एका प्रयोगातील अनुभव सांगितला. यावेळी ती म्हणाली की, ‘दोन स्पेशल’ या नाटकाचा प्रयोग सुरु होता. या नाटकातील एका भागात भागात माझ्या बहिणीवर अतिप्रसंग झालेला असतो आणि त्या दुःखात माझी बहीण आत्महत्या करते. तर तो अत्यंत भावनिक आणि संवेदनशील सीन रंगमंचावर सुरू होता. मी पूर्णपणे त्या पात्रात शिरली होती आणि मला रडू कोसळणार इतक्यात मी स्वतःला सावरण्यासाठी एक ‘पॉज’ घेतला. पण, तो भावनिक सीन करत असताना दुसऱ्या रांगेत बसलेल्या एका प्रेक्षकाचा फोन वाजला. त्या फोनची रिंगटोन होती… ‘हृदयी वसंत फुलताना’. एका बाजूला मी प्रचंड वेदनेत होते, डोळ्यांत अश्रू होते आणि समोर मात्र हे अत्यंत आनंदी आणि रोमँटिक गाणं वाजत होतं”. (Girija Oak News)
पुढे गिरीजाने सांगितले की, “नाटकातील अत्यंत गंभीर प्रसंगी वाजलेल्या त्या गाण्यामुळे माझ्या मनावर असा काही परिणाम झाला की, मला आता त्या गाण्याची प्रचंड भीती वाटते. मी माझ्या भावना कंट्रोल करत होते, पण त्या गाण्याने सगळं विस्कळीत केलं. तेव्हापासून मला त्या गाण्याचा ‘ट्रॉमा’ बसला आहे. मी त्यानंतर ते गाणं कधीच ऐकलं नाही आणि आजही ते ऐकलं की मला धडधडायला होतं”, अशी कबुली यावेळी गिरीजाने दिली. (Bollywood)
================================
================================
१९८८ मध्ये रिलीज झालेल्या ‘अशी ही बनवाबनवी’ (Ashi Hi Banawa Banawi Movie) चित्रपटाने अनेक रेकॉर्ड्स केले आहेत… त्या वर्षात तो सर्वाधिक पाहिला गेलेला चित्रपट ठरला होता…इतकंच नाही तर आज जवळपास ३० वर्ष उलटून गेली असली तरीही टीव्ही किंवा ओटीटी किंवा अन्य ओटीटी माध्यमांवर तो चित्रपट आवर्जून पाहिला जातो… दरम्यान, १९८८ मध्ये या चित्रपटाने बॉक्स ऑफिसवर ३ कोटींची कमाई करत मराठी चित्रपटसृष्टीत कल्ट क्लासिकचा दर्जा मिळवला… अभिमानाची बाब म्हणजे या चित्रपटाच्या कथेवर आधारित कन्नड, पंजाबी आणि बंगालीमध्ये रिमेक करण्यात आले पण ‘अशी ही बनवाबनवी’ने जी प्रेक्षकांच्या मनात जागा निर्माण केली ती अबाधित आहे…
Get Latest Marathi Entertainment update | Movies Reviews in Marathi | Celebrities Update in Marathi