Big Boss 18: हार्दिक पांड्याची एक्स पत्नी नताशा स्टॅनकोविच बिग बॅास 18 च्या घरात दिसणार?

सलमान खानचा रिअॅलिटी शो ‘बिग बॉस 18’ची चर्चा पुन्हा एकदा जोर धरू लागली आहे. प्रोमो व्हिडिओपूर्वीच हा शो प्रकाशझोतात आला आहे. लवकरच संपणाऱ्या या शोची लोक आतुरतेने वाट पाहत आहेत. दररोज नवनवीन अपडेट्स समोर येत आहेत ज्यामुळे चाहत्यांची उत्सुकता आणखीनच वाढत आहे. कधी शोच्या रिलीज डेटबद्दल अपडेट असतं, तर कधी स्पर्धकाच्या नावाबद्दल. आता टीझरची तारीखही समोर आली आहे, ज्यामुळे चाहत्यांची उत्सुकता आणखीनच वाढली आहे.काही दिवसांपूर्वी अशी बातमी आली होती की शिल्पा शेट्टीचा नवरा राज कुंद्रा या शोमध्ये सामील होऊ शकतो. आता ताज्या अपडेटनुसार, या शोमध्ये सामील होण्यासाठी प्रसिद्ध क्रिकेटपटू हार्दिक पांड्याची एक्स पत्नी नताशा स्टॅनकोविचशी संपर्क साधण्यात आला आहे.(Natasa Stankovic in Big Boss 18)

यंदा यावेळी हा शो बराच वादग्रस्त ठरू शकतो, अशी अपेक्षा ही व्यक्त केली जात आहे. स्पर्धकांची नावे समोर आल्याने प्रेक्षक प्रचंड उत्सुक आहेत. आता निर्मात्यांनी आणखी एक वादग्रस्त स्पर्धक नताशा स्टॅनकोविचशी संपर्क साधला आहे. इतकंच नाही तर तिचाचा खास मित्र अलेक्झांडर अॅलेक्स ही या शोमध्ये दिसू शकतो, असा दावा मीडिया रिपोर्ट्समध्ये केला जात आहे. कारण ते दोघेही अनेकदा एकत्र दिसले गेले आहेत.

या वेळी ‘बिग बॉस १८’मधील स्पर्धकही एकदम वेगळे दिसतील, यावेळी स्पर्धक आपल्या एक्ससोबत ही घरात प्रवेश करू शकतात. रिपोर्ट्सनुसार, नताशा आणि तिचा बेस्ट फ्रेंड अलेक्झांडर अॅलेक्स सलमान खानच्या शोमध्ये दिसू शकतात. या बातमीवर सध्या तरी कोणतेही अधिकृत वक्तव्य करण्यात आलेले नाही किंवा त्याला दुजोरा देण्यात आलेला नाही.मात्र या बातमाची खुप चर्चा होताना पहायला मिळत आहे.(Natasa Stankovic in Big Boss 18)

==========================

हे देखील वाचा: ‘पंड्या स्टोर’ आणि ‘कुमकुम भाग्य’ फेम सिमरन बुधरूप बरोबर लालबागचा राजाच्या दर्शनावेळी घडला भयंकर प्रकार

==========================

सलमान खानच्या बिग बॉस 18 या शोची चाहते आतुरतेने वाट पाहत आहेत. बिग बॉस 18 चा प्रोमो या वीकेंडला रिलीज होऊ शकतो. बिग बॉसच्या प्रोमोमध्ये यावेळी थीम आणि स्पर्धकांची नावे कळणार आहेत. मात्र अजुनतरी प्रोमो रिलीजबाबत अद्याप कोणतीही अधिकृत माहिती समोर आलेली नाही.