Housefull 5 :  मल्टि क्लायमॅक्स चित्रपटाला सेन्सॉर बोर्डाची कात्री; जाणून घ्या बदल…

बॉलिवूडमधील सर्वात मोठा मल्की स्टार कास्ट चित्रपट ‘हाऊसफुल्ल ५’ (Housefull 5) लवकरच प्रेक्षकांच्या भेटीला येणार आहे. हाऊसफुल्ल फ्रॅंचायझीची सुरुवात २०१० मध्ये झाली होती. चार सीक्वेल्सच्या यशानंतर आता पाचवा सीक्वेल येत असून यात कॉमेडीसह एका खुनाचा तपासही होणार आहे. ‘हाऊसफुल्ल ५’ ची खासियत म्हणजे चित्रपटाची कथा संपूर्ण कथा क्रुझवर घडत असून या चित्रपटाचे दोन वेगवेगळे शेवट असणार आहेत. हिंदी चित्रपटसृष्टीच्या इतिहासात पहिल्यांदाच हा प्रयोग केला जाणार आहे. दरम्यान, इतक्या सगळ्या प्रयोगानंतर आता सेन्सॉर बोर्डाने मात्र चित्रपटावर कात्री फिरवली असून काही सीन्स कट करण्याचा आदेश दिला आहे.(Bollywood news)

मिळालेल्या माहितीनुसार सेन्सॉर बोर्डाने ‘हाऊसफुल ५’ चित्रपटातील एकूण 5 दृश्ये हटवण्यात आली असून, काही शब्ददेखील बदलण्यात आले आहेत. काही कट्स सजेस्ट करत सेन्सॉर बोर्डाने चित्रपटाला U/A 16+ सर्टिफिक्ट दिले आहे. जाणून घेऊयात चित्रपटातील नेमके कोणते सीन्स कट करण्यात आले आहेत..(Entertainment)

1. चित्रपटातील आयटम आणि ह*म असे शब्द बदलण्यात आले आहेत.

2. चित्रपटात दोन दृश्यांमध्ये आक्षेपार्ह हातवारे करणारे सीन्स कट करण्यात आले आहेत.

3. ‘निकाल दूंगी’ असा एक संवाद बदलण्यात आला आहे.

4. ‘अपने’ शब्दापासून सुरू होणाऱा एक डायलॉ बदलण्यात आला आहे.

5. चित्रपटातील सेन्शुअस सीन्स कमी करण्याचे निर्देश आहेत.

6. बाटलीतून शॅम्पेन बाहेर येण्याचा एक सीन होता तो कट करण्यात आला आहे.

7.  चित्रपटातीलं ११ सेकंदांच फुटेज पुर्णपणे हटवण्यात आलं आहे.

================================

हे देखील वाचा: Multi Star Cast Movies – भारतीय चित्रपटसृष्टीचा बदलता काळ!

=================================

दरम्यान, पहिल्यांदाच दोन क्लायमॅक्स असणाऱ्या हाऊसफुल 5A आणि हाऊसफुल 5B चित्रपटाला सेन्सॉर बोर्डाने २ सर्टिफिकेट्स दिले आहेत. तसेच, मल्टी स्टार कास्ट असणाऱ्या या चित्रपटाचं दिग्दर्शन तरुण मनसुखानी असून साजिद नाडियावाला यांनी चित्रपटाची कथा लिहिली आहे. हाऊसफुल्ल ५ मध्ये अक्षय कुमार, अभिषेक बच्चन, रितेश देशमुख, नाना पाटेकर, संजय दत्त, जॅकी श्रॉफ, फरदीन खान, श्रेयस तळपदे, डिनो मोरिया, जॅकलिन फर्नांडिस, नरगीस फाखरी, सोनम बाजवा, सौंदर्या शर्मा, चंकी पांडे आणि जॉनी लिव्हर अशी तगडी स्टार कास्ट झळकणार आहे.(Housefull 5 cast)