Housefull 5 : अक्षय कुमारचा चित्रपट फ्लॉप की हिट?; काय आहे आकडेवारी

कॉमेडी चित्रपटांच्या यादीतील ‘हाऊसफुल्ल’च्या फ्रेंचायझीने प्रेक्षकांना वेडं केलं आहे. आत्तापर्यंत यशस्वी ४ भाग प्रदर्शित झाल्यानंतर नुकताच ‘हाऊसफुल्ल ५’ (Housefull 5) रिलीज झाला. हिंदीत पहिल्यांदाच १८ सुपरस्टार असलेल्या या चित्रपटाचे २ क्लायमॅक्सही असणार आहेत. बऱ्याच दिवशांपासून चर्चेत असणाऱ्या ‘हाऊसफुल्ल ५’ चित्रपटाने प्रेक्षकांचं मन जिंकलं की नाही हे बॉक्स ऑफिस कलेक्शनवरुन समोर आलं आहे. अक्षय कुमार (Akshay Kumar), रितेश देशमुख आणि अभिषेक बच्चन (Abhishek Bachchan) यांची प्रमुख भूमिका असणारा ‘हाऊसफुल्ल ५’ बॉक्स ऑफिसवर हिट ठरला की फ्लॉप जाणून घेऊयात…(Bollywood movies)

तरुण मनसुखानी यांनी दिग्दर्शित केलेल्या ‘हाऊसफुल्ल ५’ (Housefull 5) चित्रपटाचे दोन वर्जन्स रिलीज झाले आहेत. सॅकनिल्कच्या रिपोर्टनुसार ‘हाऊसफुल्ल ५’ ने पहिल्या दिवशी २४ कोटी आणि दुसऱ्या दिवशी १२.२ कोटी कमवून आत्तापर्यंत केवळ ३६.२ कोटींची कमाई केली आहे. हाऊसफुल्लच्या फ्रेंचायझीने आत्तापर्यंत बॉक्स ऑफिसवर ४५० कोटींचा गल्ला पार केला आहे. त्यामुळे ‘हाऊसफुल्ल ५’ या कमाईत आपला किती मोलाचा वाटा टाकणार हे पाहावं लागणार आहे. (Housefull 5 box office collection)

================================

हे देखील वाचा: Housefull चित्रपटाच्या फ्रेंचायझीने आत्तापर्यंत बॉक्स ऑफिसवर कमावले ७९० कोटी!

=================================

‘हाऊसफुल ५’(Housefull 5) या चित्रपटाची निर्मिती साजिद नाडियादवाला यांनी केली असून तरुण मनसुखानी यांनी दिग्दर्शन केले आहे.या चित्रपटात अक्षय कुमार,अभिषेक बच्चन ,रितेश देशमुख, जॅकलीन फर्नांडिस,,नर्गिस फाखरी, फरदीन खान, जॅकी श्रॉफ, संजय दत्त, नाना पाटेकर, रितेश देशमुख, श्रेयस तळपदे, जॉनी लिव्हर, चित्रगंधा सिंग असे अनेक कलाकार दिसणार आहेत. (Housefull 5 movie cast)

Get Latest Marathi Entertainment update | Movies Reviews in Marathi | Celebrities Update in Marathi