हृतिक रोशनची बहीण पश्मिना रोहनचा पहिला सिनेमा ‘इश्क विश्क रिबाऊंड’चा ट्रेलर रिलीज
हृतिक रोशनची बहीण पश्मिना रोहनचा ‘इश्क विश्क रिबाऊंड‘ हा चित्रपटही २०२४ मध्ये प्रदर्शित होणाऱ्या चित्रपटांच्या यादीत आहे. पश्मिना रोशन या चित्रपटातून पदार्पण करणार असून हा चित्रपट २१ जून रोजी चित्रपटगृहात प्रदर्शित होणार आहे. ‘इश्क विश्क रिबाऊंड’च्या पहिल्या भागाला प्रेक्षकांचं भरभरून प्रेम मिळालं. त्याचबरोबर लोकही या चित्रपटाची आतुरतेने वाट पाहत आहेत. प्रेक्षकांची उत्कंठा वाढवण्यासाठी चित्रपट निर्मात्यांनी चित्रपटाचा ट्रेलर रिलीज केला आहे, ज्यात अभिनेत्रीचा जबरदस्त लूक पाहायला मिळाला आहे.(Ishq Vishk Rebound Trailer)
चित्रपटाच्या ट्रेलरमध्ये तीन मित्रांच्या प्रेमत्रिकोणाची गोष्ट दाखवून निर्मात्यांनी प्रेक्षकांची उत्कंठा शिगेला पोहचवली आहे. शेअर केलेल्या ट्रेलरची सुरुवात आधुनिक काळातील प्रेमकथेत अडकलेल्या तीन मित्रांच्या खोल मैत्रीपासून होते. मैत्री, प्रेम, नातेसंबंध आणि परिस्थिती यांच्यात अडकलेल्या या तिघांचे आपल्या जोडीदाराशी ब्रेकअप होते. मात्र, नंतर दोघेही एकमेकांकडे आकर्षित होतात आणि त्यांच्यात जबरदस्त रोमान्स पाहायला मिळतो. ‘इश्क विश्क रिबाऊंड‘ चित्रपटाचा हा ट्रेलर यूट्यूबवर शेअर करण्यात आला आहे.
सुंदर नायला ग्रेवाल देखील या चित्रपटाचा एक महत्त्वाचा भाग आहे. चित्रपटाच्या ट्रेलर लाँचवेळी नायला ग्रेवाल पिंक कलरच्या शॉर्ट ड्रेसमध्ये दिसली. त्याचबरोबर अभिनेत्रीने कमीत कमी मेकअपसह आपले केस स्टाइल केले होते आणि चेहऱ्यावर स्मित हास्य ठेवून पॅप्सना भरपूर पोज देताना दिसली.(Ishq Vishk Rebound Trailer)
=============================
=============================
हृतिक रोशनची बहीण पश्मीना रोशनच्या ‘इश्क विश्क रोमान्स‘ या पहिल्या चित्रपटाच्या ट्रेलरमध्ये जबरदस्त रोमान्स पाहायला मिळाला आहे. रोहित सराफसोबत लिपलॉक करताना ही दिसली. अभिनेत्री पश्मिना रोशनने तिच्या इन्स्टाग्रामवर चित्रपटाचा ट्रेलर शेअर केला आहे आणि कॅप्शनमध्ये लिहिले, ‘अब होगा प्यार का सेकंड राउंड विथ इश्क विश्क रिबाऊंड’. या चित्रपटात पश्मिना रोशन, रोहित सराफ, जिब्रान खान आणि नायला ग्रेवाल मुख्य भूमिकेत आहेत. जो दिग्दर्शक निपुण अविनाश धर्माधिकारी यांच्या दिग्दर्शनाखाली तयार करण्यात आला आहे.
