Prajakta Mali मुंबई सोडून चालली? अभिनेत्रीच्या पोस्टने चाहत्यांना बसला धक्का !
Janhavi Kapoor आणि Rajkumar Rao स्टारर ‘मिस्टर अँड मिसेस माही’ ला चांगला प्रतिसाद, पाहा सिनेमाने आतापर्यंत केली किती कमाई
३१ मे रोजी चित्रपटगृहात प्रदर्शित झालेल्या ‘मिस्टर अँड मिसेस माही’ या चित्रपटाची जोरदार चर्चा सुरू आहे. चित्रपट पाहण्यासाठी प्रेक्षकांची चांगलीच गर्दी होताना ही पहायला मिळत आहे. अभिनेत्री जान्हवी कपूर आणि अभिनेता राजकुमार राव यांच्या शुक्रवारी प्रदर्शित झालेल्या या चित्रपटाने ओपनिंग डेला जबरदस्त कमाई करत बॉक्स ऑफिस कलेक्शन रिपोर्टमध्ये आपले नाव नोंदवले आहे. चित्रपटाच्या प्रदर्शनाच्या पहिल्या दिवशी सर्व शो फुल चालले होते, ज्यामुळे ‘मिस्टर अँड मिसेस माही’ने जबरदस्त कमाई केली होती. तर आता दुसऱ्या दिवसाचा कलेक्शन रिपोर्ट समोर आला आहे, त्यामुळे जान्हवी कपूर आणि राजकुमार राव च्या जोडीने आतापर्यंत किती कोटींची कमाई केली आहे ते पाहूया. (Mr. & Mrs. Mahi Box Office Collection)
रोमँटिक ड्रामा ‘मिस्टर अँड मिसेस माही’ने प्रदर्शनाच्या पहिल्याच दिवशी चांगला व्यवसाय केला. मात्र दुसऱ्या दिवशी कमाईत घट झाली आहे. धर्मा प्रॉडक्शनच्या बॅनरखाली बनलेल्या या चित्रपटाने प्रदर्शनाच्या दोन दिवसांत ११ कोटींहून अधिक कमाई केली आहे. दुसऱ्या दिवशी चित्रपटाच्या कलेक्शनबद्दल बोलायचे झाले तर Sacnilk.com च्या म्हणण्यानुसार, चित्रपटाने पहिल्या दिवशी 6.75 कोटींची कमाई केली. तर रिलीजच्या दुसऱ्या दिवशी भारतीय बॉक्स ऑफिसवर 4.50 कोटी रुपयांची उलाढाल झाली आहे. त्यानंतर आतापर्यंत एकूण कलेक्शन ११.२५ कोटी रुपये झाले आहे.
जान्हवी कपूर, राजकुमार राव स्टारर ‘मिस्टर अँड मिसेस माही’ या चित्रपटाची स्टारकास्ट पाहिली तर दिग्दर्शक शरण शर्मा यांच्या दिग्दर्शनाखाली हा चित्रपट बनवण्यात आला आहे, यात मुख्य कलाकारांव्यतिरिक्त राजेश शर्मा, कुमुद मिश्रा, जरीना वहाब यांसारखे कलाकारही आहेत.(Mr. & Mrs. Mahi Box Office Collection)
=================================
==================================
या चित्रपटात जान्हवी कपूरसोबत राजकुमार रावची जोडी दुसऱ्यांदा प्रेक्षकांच्या भेटीला येत आहे. दिग्दर्शक शरण शर्मासोबत अभिनेत्री जान्हवी दुसऱ्यांदा काम करत असून, आता राजकुमार राव आणि जान्हवीची जोडी बॉक्स ऑफिसवर कितपत छाप पाडते हे पाहणं महत्त्वाचं ठरणार आहे.