Jarann : अमृता-अनिताच्या चित्रपटाने २४ दिवसांत केला रेकॉर्ड; कमावले ‘इतके’ कोटी!

मराठी चित्रपट सध्या हिंदी चित्रपटांना पुन्हा एकदा काँटे की टक्कर देताना दिसत आहेत… गेल्या काही महिन्यांमध्ये प्रेक्षकांना आवडतील आणि भावतील असे वेगवेगळ्या आशयांचे आणि विषयांचे चित्रपट रिलीज होत असल्याकारणाने प्रेक्षकांनाही चित्रपट पाहण्यासाठी ऑप्शन्स उपलब्ध आहेत… अशातच ‘जारण’ (Jarann Movie) सारखा हॉरर-थ्रिलर चित्रपट सध्या प्रेक्षकांचं विशेष लक्ष वेधतोय… ६ जून २०२५ रोजी रिलीज झालेल्या या चित्रपटाने आत्तापर्यंत बॉक्स ऑफिसवर किती कमाई केली आहे जाणून घेऊयात…(Marathi movies 2025)

अमृता सुभाष आणि अनिता दाते यांची प्रमुख भूमिका असणाऱ्या जारण चित्रपटाने आत्तापर्यंत बॉक्स ऑफिसवर ६.५१ कोटींची कमाई केली आहे. करणी, अंधश्रद्धा हा विषय एका महिलेच्या जीवनाशी कनेक्ट करत या चित्रपटात मांडण्यात आला आहे… सध्याच्या काळात बायोपिक्स, प्रेमपट, विनोदी चित्रपट किंवा हॉरर कॉमेडी या चित्रपटांच्या गर्दीत जारण आपलं वेगळेपणं टिकवून ठेवण्यात यशस्वी झाला आहे…(Jarann movie box office collection)

आनंदाची बाब म्हणजे ‘जारण’ चित्रपटाला मिळणाऱ्या सकारात्मक प्रतिसादामुळे ‘जारण’चे शोजही अनेक ठिकाणी वाढवण्यात आले. या यशाच्या पार्श्वभूमीवर नुकतेच एका भव्य सक्सेस पार्टीचं आयोजन करण्यात आले. यामध्ये ‘जारण’ची संपूर्ण टीम, निर्माते, कलाकार मंडळी यांच्यासह चित्रपटसृष्टीतील काही मान्यवरांनी हजेरी लावली होती. (Latest marathi entertainment news)

================================

हे देखील वाचा: Anita Date : “रस्त्यात चालणारी ती एक बाई आणि चकवा…”

=================================

जारण चित्रपटात अमृता सुभाष व अनिता दाते यांच्यासह किशोर कदम, ज्योती माळशे, विक्रम गायकवाड, राजन भिसे, अवनी जोशी आणि सीमा देशमुख यांचा दमदार अभिनय अनुभवायला मिळतो. अनिस बाझमी प्रॉडक्शन्स प्रस्तुत, ए अँड एन सिनेमाज एलएलपी यांच्या सहयोगाने आणि एथ्री इव्हेंट्स अँड मिडिया सर्व्हिसेस निर्मित ‘जारण’ चित्रपटाचं लेखन आणि दिग्दर्शन हृषीकेश गुप्ते यांनी केलं आहे.(Jarann movie cast)

Get Latest Marathi Entertainment update | Movies Reviews in Marathi | Celebrities Update in Marathi