Jhimma 2 : थिएटरमध्ये धमाकूळ घातल्यानंतर दीड वर्षांनी ‘झिम्मा २’ चा World television premiere

हेमंत ढोमे दिग्दर्शित ‘झिम्मा’ चित्रपटाने महिलांना थिएटरमध्ये खेचून आणलं होतं. ‘बाईपण भारी देवा’ या चित्रपटानेही सर्व वयोगटातील महिलांचं मनोरंजन खऱ्या अर्थाने केलं होतं. याच स्त्रीप्रधान चित्रपटांच्या लाटेत झिम्मा नंतर चित्रपटाचा ‘झिम्मा २’ (Jhimma 2) देखील आला होता. २०२३ मध्ये रिलीज झालेल्या या चित्रपटाला प्रेक्षकांनी भरभरुन प्रेम दिलं होतं. आता पुन्हा एकदा ७ बायकांचा धमाल प्रवास घरबसल्या अनुभवता येणार आहे. (Entertainment news)

‘झिम्मा २’ चित्रपट येत्या १८ मे रोजी संध्याकाळी ७ वाजता स्टार प्रवाहवर प्रेक्षकांना पाहता येणार आहे. थिएटरमध्ये हा चित्रपट पाहिला नसेल असा प्रेक्षक असणं कठिण आहे. पण तरीही थिएटरमध्ये जर का चित्रपट मिस झाला असेल तर घरी हा चित्रपट आता पाहता येणार आहे. ‘झिम्मा २’ च्या यशाबद्दल बोलायचं झालं तर बॉक्स ऑफिसवर या चित्रपटाने १४ कोटींची कमाई केली होती. (Marathi movies box office collection)

================================

हे देखील वाचा: जुनी नाती नव्याने उलगडणारा ‘झिम्मा २’

=================================

‘झिम्मा २’ चित्रपटात सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, शिवानी सुर्वे, रिंकू राजगुरु या मुख्य भूमिका साकारलेल्या होत्या. इरावती कर्णिक लिखित आणि हेमंत ढोमे दिग्दर्शित ‘झिम्मा २’ चित्रपटाने पहिल्या भागाप्रमाणेच प्रत्येकाच्या मनात एक नवीन उमेद निर्माण केली आहे. सात बायकांच्या धम्माल ट्रिपची गोष्ट सांगणारा ‘झिम्मा २’ चित्रपट अखेर दीड वर्षांनी टीव्हीवर येणार आहे. (Jhimma 2 world television premeire)

या फिल्मची कथा थोडक्यात सांगायची झाली तर अशी की, आधी प्रमाणेच पुन्हा एकदा या सख्या नव्या ट्रीपसाठी सज्ज होतात, फरक एवढाच की यावेळी गोष्टीत असतो एक नवा सस्पेन्स आणि काही नवी पात्र, प्रत्येक पात्राचा स्वतःच्या परिस्थितीसोबत आणि भावनांसोबत एका नवा संघर्ष सुरू असतो. पण यांना एकमेकांशी जोडणारा धागा आणि आधार देणारा धागा हा की आधीच्या अनोळखी बायका यावेळी एकमेकांच्या जिवाभावाच्या मैत्रिणी झाल्या आणि प्रत्येकीला प्रत्येकीबद्दल प्रचंड आत्मीयता निर्माण होते. मुख्य पात्र साकारणाऱ्या ज्येष्ठ अभिनेत्री सुहास जोशी, निर्मिती सावंत, सुचित्रा बांदेकर आणि क्षिती जोग यांची केमिस्ट्री तर अफलातून आहेच.