Kangana Ranaut : बॉलिवूड ते संसद भवन प्रवासानंतर आता थेट हॉलिवूड…
बॉलिवूडमध्ये आपल्या स्वकष्टावर स्वत:चं अस्तित्व निर्माण करणारी कंगना राणावत (Kangana Ranaut) लवकरच हॉलिवूडमध्ये जाणार आहे. विलक्षण अभिनय आणि दिग्दर्शन कौशल्य असणाऱ्या कंगनाची हॉलिवूड चित्रपटसृष्टीत वर्णी लागली असून प्रियांका चोप्रा, दीपिका पादूकोण पाठोपाठ आता ब़लिवूडची ‘क्वीन’ कंगना हॉलिवूड गाजवण्यासाठी सज्ज झाली आहे.(Bollywood news)
अनुराग रुद्द यांचं दिग्दर्शन असणाऱ्या ‘ब्लेस्ड बी द एव्हिल’ या चित्रपटात कंगना (Kangana Ranaut) मुख्य भूमिका साकारणार अशी माहिती समोर आली आहे. तसेच, कंगनासोबत टायलर पोसी आणि स्कारलेट रोज स्टॅलोन यांच्याही महत्वपूर्ण भूमिका असणार आहेत. ‘ब्लेस्ड बी द एव्हिल’ हा एक थ्रिलर आणि सस्पेन्स ड्रामा चित्रपट असून लवकरच न्यूयॉर्कमध्ये चित्रपटाचं शुटींग सुरु होणार आहे. (Hollywood news)
================================
हे देखील वाचा: Amir Khan : “ ‘महाभारत’ या ड्रीम चित्रपटात ‘ही’ भूमिका करायला आवडेल”
=================================
२००६ मध्ये आलेल्या ‘गॅंगस्टर’ (Gangster) चित्रपटातून कंगना राणावतने बॉलिवूडमध्ये एन्ट्री केली. त्यानंतर ‘फॅशन’, ‘क्वीन’, ‘राज : द मिस्ट्री कंटिन्यू’, ‘डबल धमाल’, ‘तेज’, ‘शुटआऊट एट वडाला’, ‘तन्नू वेड्स मन्नू’, ‘क्वीन’, ‘मनिकर्णिका’, ‘तेजस’, ‘इमर्जन्सी’ अशा अनेक चित्रपटांत तिने विविधांगी भूमिका साकारल्या आहेत. तसेच, अभिनय-दिग्दर्शनात आपलं नशीब आजमावल्यानंतर तिने राजकारणातही प्रवेश केला असून आता पुन्हा एकदा हॉलिवूडमध्ये जात नव्या इनिंगला कंगना राणावत सुरुवात करणार आहे. (Kangana Ranaut movies)