अभिनेत्री कंगना रनौतचा लोकसभा निवडणूकीत दणदणीत विजय; बॉलिवूड सेलिब्रिटींकडून ही होतय कौतुक
लोकसभा निवडणूक 2024 मध्ये अभिनेत्री कंगना रणौतने हिमाचल प्रदेशातील मंडी लोकसभा मतदारसंघातून पूर्ण बहुमताने विजय मिळवला आहे. अभिनेत्रीच्या यशामुळे तिचे चाहते खूप खूश आहेत आणि तिच्यावर अभिनंदनाचा वर्षाव सुरू झाला आहे. लोकसभा निवडणूक जिंकल्यानंतर कंगना रणौतने सोशल मीडियावर एक पोस्ट शेअर केली होती. यासोबतच निवडणूक प्रचाराशी संबंधित काही फोटोंचा कोलाज इन्स्टाग्राम हँडलवर शेअर करण्यात आला आहे.(Kangana Ranaut Wins Lok Sabha Election 2024)
मंडी लोकसभा मतदारसंघातून विजय मिळवल्यानंतर अभिनेत्री कंगना रणौत म्हणाली की, ”हा विजय सनातनचा विजय आहे.”सोशल मीडियावर शेअर केलेल्या पोस्टमध्ये त्यांनी म्हटले आहे की, ‘या आधाराबद्दल, या प्रेम आणि विश्वासाबद्दल मंडीतील सर्व रहिवाशांचे मनःपूर्वक आभार.हा विजय तुम्हा सर्वांचा आहे, हा विजय पंतप्रधान मोदी जी आणि भाजपवरील श्रद्धेचा आहे, सनातनचा हा विजय आहे, हा विजय मंडीच्या सन्मानाचा आहे.’ कंगनाने शेअर केलेल्या पोस्ट वर आता तिच्या चाहत्यांच्या ही कमेंट यायला सुरुवात झाली आहे. एका युजरने अभिनेत्रीच्या या विजयाबद्दल कमेंट केली, ‘रिअल क्वीन‘, तर दुसऱ्या चाहत्याने म्हटले की, ‘आता संपूर्ण देशाला तुमचे काम पाहायचे आहे’,तसेच अभिनेत्रीच्या पॅशनबद्दल एका युजरने लिहिले की, ‘अखेर फायर लेडी लोकसभेत आली आहे.
बॉलिवूड इंडस्ट्रीत आपल्या बेधडक बोलण्याच्या शैलीसाठी प्रसिद्ध असलेली अभिनेत्री कंगना रणौत लाा या विजयाबद्दल इंडस्ट्रीतील अनेक सेलिब्रिटींनी अभिनंदन केले आहे. अभिनेते अनुपम खेर यांनी अभिनेत्रीचा फोटो सोशल मीडियावर शेअर करत लिहिले की, ‘माय डिअर कंगना! या मोठ्या विजयाबद्दल अभिनंदन. तू रॉकस्टार आहेस,’ असं म्हणत त्याने इतरही अनेक गोष्टींबद्दल लिहीले आहे.(Kangana Ranaut Wins Lok Sabha Election 2024)
=================================
=================================
अभिनेत्री महिमा चौधरी लिहीले आहे की, ‘अभिनंदन, आता सांसदमध्ये भेटू.’ विजयानंतर मंडी लोकसभा मतदारसंघाचे विजयी प्रमाणपत्र स्वीकारताना कंगना रणौतचा एक व्हिडिओही शेअर करण्यात आला आहे. ज्यावर चाहत्यांनी कौतुकाचा वर्षाव केला आहे.
