GAADI NUMBER 1760 Teaser: रहस्य आणि हास्याची अनोखी सफर घडवणाऱ्या ‘गाडी नंबर १७६०’चा टीझर प्रदर्शित !

Gaadi Number 1760: मराठी चित्रपटसृष्टीत सस्पेन्स आणि विनोद यांचं धमाल मिश्रण घेऊन येणारे सिनेमे खुप कमी असतात आणि प्रेक्षकांना तेच सिनेमे जास्त आवडतात. प्रेक्षकांची हिच आवड लक्षात ठेऊन ‘गाडी नंबर १७६०‘ हा नवा सिनेमा लवकरच प्रेक्षकांच्या भेटीला येतोय. नुकताच या सिनेमाचा प्रदर्शित झालेला टीझर पाहून एकच गूढ प्रश्न सर्वांच्या मनात निर्माण झालाय – “ती बॅग गेली कुठे?” या सिनेमाची गोष्ट एका रहस्यमय काळ्या बॅगेभोवती फिरते.(Gaadi Number 1760 Movie Teaser)

पैशांनी भरलेली ती बॅग अचानक गायब होते आणि सुरू होतो एक गोंधळाचा, पण हास्याने भरलेला प्रवास. या टीझरमध्ये प्रत्येक पात्राची घाई-गडबड, एकमेकांवरचे संशय, आणि संवादांमधून निर्माण होणारा विनोद यामुळे प्रेक्षकांच्या उत्सुकतेला उधाण आलं आहे. या चित्रपटात प्रथमेश परब, (Prathmesh Parab) शुभंकर तावडे (Shubhankar Tawade), प्रियदर्शिनी इंदलकर (Priydarshini Indalkar), सुहास जोशी (Suhas Joshi), प्रसाद खांडेकर (Prasad Khandekar), श्रीकांत यादव आणि शशांक शेंडे (Shashank Shende) यांसारखे दमदार कलाकार आपल्या भेटीला येणार आहेत. प्रत्येकाचं पात्र थोडं गूढ, थोडं गोंधळात टाकणारं पण तरीही खूप रंगतदार! (Gaadi Number 1760 Movie Teaser)

चित्रपटाचे लेखक-दिग्दर्शक योगिराज संजय गायकवाड सांगतात, “ही एक वेगळी रहस्यकथा आहे, जी प्रेक्षकांना शेवटपर्यंत खिळवून ठेवेल. विनोदाची सहजता आणि ट्विस्टची अनपेक्षितता हे या चित्रपटाचं खास वैशिष्ट्य आहे.” निर्माते कैलाश आणि विमला सोराडी यांच्या तन्वी फिल्म्स प्रस्तुत या सिनेमात मनोरंजनाचा संपूर्ण मसाला आहे – कॉमेडी, सस्पेन्स, ड्रामा आणि भरपूर टर्न्स अँड ट्विस्ट्स! (Gaadi Number 1760 Movie Teaser)

===============================

हे देखील वाचा: Ye Re Ye Re Paisa 3 : अण्णा, आदित्य, बबली आणि सनी यांचा नवा घोटाळा!

===============================

तन्वी फिल्म्स प्रस्तुत, ‘गाडी नंबर १७६०’ तुमचं मनोरंजन करण्यासाठी सज्ज आहे. आणि बॅग कुठे गेली? या प्रश्नाच उत्तर आपल्याला ४ जुलै 2025 ला थिएटरमध्ये जाऊनच मिळेल.