Big Boss Marathi 6 : टोळी आणि बाल्कनी ग्रुपने केलं प्रभूला टार्गेट!
बिग बॉस मराठी ६ मध्ये नुकताच पॉवर की वरुन प्रभू शेळके आणि प्राजक्ता शुक्रे यांच्यात वाद झाला होता. प्राजक्ताची पॉवर की प्रभूने चालाखीने चोरली होती आणि ज्यावेळी त्या चावीर हक्क सांगण्याचा टास्क आला आणि त्यावेळी प्राजक्ताकडे की नसल्यामुळे तिच्याकडे पॉवर्स येत नाहीत आणि त्याचवेळी प्रभू त्याच्याकडे असलेली चावी दाखवतो आणि आपला हक्क जाहीर करतो. यावरुन प्रभूला प्राजक्ता चोरटा म्हणून हिणवू लागते. आता हाच वाद अधिक वाढला असून बाल्कनी आणि टोळी ग्रुपने प्रभूला टार्गेट केलं आहे. (Big Boss Marathi 6)
तर, झालं अस की घरातील सदस्यांना नॉमिनेट करण्याचा टास्क घरात पार पडतो. यावेळी पहिल्या फेरीत सगळे स्पर्धक धावतात. राकेश धावत नाही. राकेशच्या गळ्यात रोशनची पाटी असते, त्यामुळे रोशन नॉमिनेट होतो. दुसऱ्या फेरीत रुचिता धावत नाही त्यामुळे राकेश बापट नॉमिनेट होतो. तिसऱ्या फेरीत राखी नॉमिनेट होते. पुढे, कॅप्टन तन्वीला बिग बॉस स्पेशल पॉवर देत एका सदस्याला नॉमिनेट करण्याची किंवा पॉवर न वापरता कोणालाही नॉमिनेट करायचं नाही असं सांगतात. यावर, तन्वी प्राजक्ताला नॉमिनेट करते. त्यामुळे बिग बॉस मराठीच्या सातव्या आठवड्यात घराबाहेर जाण्याच्या प्रक्रियेसाठी रोशन, राकेश, राखी आणि प्राजक्ता नॉमिनेट होतात. (Prabhu Shelke)
यानंतर, दुसऱ्यादिवशी नॉमिनेशनवरून राखी आणि राकेशमध्ये वाद होतो. तर, बाहेर गार्डन एरिआरत टोळी ग्रुप गप्पा मारत असतात आणि तेव्हा रुचिता म्हणते, ‘तन्वीच्या पदराला आधी प्रभू होता, आता राकेशपण आहे वाटतं.’ प्राजक्ता, विशाल, अनुश्री आणि राखी बोलत असतात. प्रभू तिथे बसून ऐकतो. प्राजक्ता म्हणते, ‘प्रभूला सगळे वापरतात, आता जाऊन सांग त्यांना’ प्रभू, जाऊन दीपालीला सांगतो. दीपाली प्रभूच्या बाजूने बोलते. प्राजक्ता आणि प्रभूमध्ये वाद होतो. रुचिता, प्रभूला बडबडते. सगळे प्रभूला चोर म्हणतात. प्रभू उगाच कॅमेरासमोर जाऊन रडतो. (Prajakta Shukre)
================================
================================
यावर, अनुश्री प्रभूच्या बाजूने बोलते. विशाल आणि अनुश्रीमध्ये यावरुन वाद होतो. प्रभू एकाचं दोन करून तन्वीला सांगतो. मी कॅमरासमोर भिक मागतो, असं रुचिता आणि विशाल बोलल्याचं खोटं प्रभू तन्वीला सांगतो. तन्वी, लगेच प्रभूच्या बाजूने बोलते. नंतर प्रभूच खोट्यात पडतो. आता भाऊच्या धक्क्यावर याबद्दल रितेश काय बोलणार याकडे महाराष्ट्राचं लक्ष लागलं आहे. (Vishal Kotian & Anushree Mane)
Get Latest Marathi Entertainment update | Movies Reviews in Marathi | Celebrities Update in Marathi