Mayasabha Trailer: जावेद जाफ्रीसोबत झळकणार ‘ही’ मराठमोळी अभिनेत्री

‘तुंबाड’ (Tumbaad) चित्रपटाच्या यशानंतर आता दिग्दर्शक राही अनिल बर्वे ‘मयसभा’ (Mayasabha – The Hall of Illusion) हा नवा कोरा चित्रपट आपल्या भेटीला आणणार आहेत. बऱ्याच वर्षांपासून ज्या चित्रपटाची चर्चा सुरु होती त्याचा ट्रेलर अखेर रिलीज झाला आहे. विशेष म्हणजे जवळपास ४० वर्ष इंडस्ट्रीत काम करणारे जावेद जाफ्री (Jaaved Jafri) पहिल्यांदाच लीड रोल या चित्रपटात साकारणार आहेत. तसेच, अभिमानाची बाब म्हणजे त्यांच्यासोबत बॉलिवूडची अभिनेत्री नाही तर मराठमोळी अभिनेत्री प्रमुख भूमिकेत दिसणार आहे. आणि ती म्हणजे वीणा जामकर.

तर, ‘मयसभा – द हॉल ऑफ इल्युझन’ चित्रपटाच्या जबरदस्त टीझरनंतर आता ट्रेलर रिलीज झाला आहे. या चित्रपटाच्या निमित्ताने पुन्हा एकदा राही अनिल बर्वे (Rahi Anil Barve) प्रेक्षकांच्या मानसिकतेला चॅलेंज देणार आहेत. ‘मयसभा – द हॉल ऑफ इल्युझन’मध्ये आपल्याला एक वेगळाच दृष्टीकोन आणि वास्तवाची प्रखर जाणीव पाहायला मिळते. ट्रेलरवरुन तरी प्रत्येकाचा परफॉर्मन्स कथानकाप्रमाणेच प्रेक्षकांना बुचकळ्यात टाकणारा आहे. (Bollywood)

‘मयसभा – द हॉल ऑफ इल्युझन’ या चित्रपटात मुख्य भूमिका जावेद जाफरी यांची असून त्यांच्या सोबत मोहम्मद समद, वीणा जामकर (Veena Jamkar) आणि दीपक दामले हे कलाकार झळकणार आहेत. ३० जानेवारी २०२६ रोजी देशभरातील चित्रपटगृहात हा चित्रपट रिलीज होणार असून गिरीश पटेल आणि अंकुर जे सिंह यांच्यासह जिरकॉन फिल्म्सने या चित्रपटाची निर्मिती केली आहे.

================================

हे देखील वाचा : Tumbbad राही बर्वेने बनवला नाही तर….

================================

तर, दिग्दर्शक राही अनिल बर्वे यांच्याबद्दल बोलायचं झालं तर जवळपास ८ वर्ष त्यांनी ‘तुंबाड’ या चित्रपटाचं शुटींग केलं होतं… हस्तरच्या जगात घेऊन जाणाऱ्या या चित्रपटाने फारसे पुरस्कार मिळवले नसले तरी जागतिक पातळीवर कौतुकाची थाप मिळवली… सोहम शाह (Sohum Shah) यांची प्रमुख भूमिका असणाऱ्या ‘तुंबाड’ चित्रपटाचा सीक्वेल ‘तुंबाड २’ मेकिंगच्या प्रोसेसमध्ये आहे… या व्यतिरिक्त राही अनिल यांचे ‘पहाडपांगिरा’, ‘पक्षीतिर्थ’, ‘गुलकंद टेल्स’ आणि ‘रक्त ब्रम्हांड : द ब्लडी किंगडम’ हे आगामी चित्रपट लवकरच रिलीज होणार आहेत…. (Rahi Anil Barve Upcoming Movies)

Get Latest Marathi Entertainment update | Movies Reviews in Marathi | Celebrities Update in Marathi