Mohanlal यांच्या ‘या’ चित्रपटाने रिलीजआधीच कमावले ३५० कोटी!
रोमॅंटिक, हॉरर चित्रपटांपेक्षा अलीकडे प्रेक्षकांचा कल थ्रिलर, क्राईम थ्रिलर चित्रपटांकडे अधिक पाहायला मिळतोय… अशातच ‘दृश्यम’ (Drishyam) या साऊथ आणि त्याच्याच हिंदीतील रिमेकने तर प्रेक्षकांना वेडच लावलं… ‘कांतारा’, ‘कल्की’, ‘पुष्पा’, ‘केजीएफ’ अशा बऱ्याच साऊथ चित्रपटांना भरघोस प्रतिसाद मिळत असून बॉक्स ऑफिसवर ५०० कोटींच्या पुढे कमाई होतेय.. (South Indian Films) अशातच काही ठराविक चित्रपटांच्या सीक्वेल्सची आपण आतुरतेने वाट पाहात असतो आणि त्यातलाच एक चित्रपट म्हणजे ‘दृश्यम’… लवकरच ‘दृश्यम ३’ (Drishyam 3) येणार असून कमाईच्या यादीत या चित्रपटाने रिलीजपूर्वीच ३०० कोटींचा टप्पा पार केला आहे… (Entertainment News)
सध्या कोणत्याही भाषेतील चित्रपट रिलीजआधीच तिकीट विक्रीच्या शर्यतीत १०० कोटींचा टप्पा पार करतायत.. याच ॲडव्हॉन्स बुकिंगचा ‘दृश्यम ३’ ला फायदा झाला असून चित्रपटाने चित्रपट प्रदर्शित होण्याआधीच तब्बल ३५० कोटी कमावले आहेत… यात दादासाहेब फाळके पुरस्कार विजेते अभिनेते मोहनलाल (Mohanlal) प्रमुख भूमिकेत आहेत.. (Malayalam Movies)
मोहनलाल यांचा ‘दृश्यम’ या मल्याळम चित्रपट असून आता तिसरा भाग प्रेक्षकांच्या भेटीला येणार आहे… मल्याळम भाषेत सुपरहिट ठरलेल्या या चित्रपटाचा निशिकांत कामत (Nishikant Kamat) यांनी हिंदीत रिमेक केला ज्यात अजय देवगणची प्रमुख भूमिका आहे… दरम्यान, मल्याळम पाठोपाठ हिंदीतही ‘दृश्यम ३’ लवकरच येणार आहे…(Ajay Devgan)
आता मल्याळम ‘दृश्यम’बद्दल बोलायचं झालं तर, २०१३ साली प्रदर्शित झालेल्या या चित्रपटाचं बजेट ३ कोटी होतं. जिथू जोसेफ यांनी दिग्दर्शन केलेल्या या चित्रपटाला प्रेक्षकांचा चांगला प्रतिसाद मिळाल्यानंतर दुसरा भाग २०२१ मध्ये आला होता… दरम्यान, तिसऱ्या भागाच्या रिलीज आधीच चित्रपटाच्या कमाईबद्दल चित्रपटाचे निर्माते एम रेनजीथ यांनी म्हटलं की, “या चित्रपटाने प्रदर्शनापूर्वीच ३५० कोटींचा गल्ला जमवला आहे. त्यांनी यावेळी सांगितलं की, पनोरमा स्टुडिओने त्यांच्या चित्रपटाचे देशातील आणि परदेशातील थिएटरचे हक्क विकत घेतले आहेत. यासह त्यांनी डिजिटल राईट्सही विकत घेतले आहेत. यासह हा चित्रपट पहिला प्रादेशिक चित्रपट ठरला आहे, ज्याने प्रदर्शनापूर्वीच इतकी कमाई केली आहे”.
================================
================================
आता नेमकी मोहनलाल यांचा ‘दृश्यम ३’ कधी येणार? पुढचा ट्विस्ट काय असणार? आणि त्यापाठोपाठ हिंदीतील अजय देवगणचा ‘दृश्यम ३’ कधी येणार याची प्रेक्षक आतुरतेने वाट पाहात आहेत… दरम्यान, हिंदी रिमेकमध्ये अजय देवगण, तब्बू, योगेश सोमण, कमलाकर सावंत यांच्या प्रमुख भूमिका होत्या… (Drishyam 3 movie)
Get Latest Marathi Entertainment update | Movies Reviews in Marathi | Celebrities Update in Marathi