Akshay Kumar याने ५० च्या दशकातील ‘या’ अभिनेत्रीला दिला फिटनेस मंत्रा!

बॉलिवूडमधला स्टंट किंग आणि फिटनेस फ्रिक अभिनेता म्हणजे अक्षय कुमार (Akshay Kumar). बरेच कलाकार अक्षयच्या फिटनेसबद्दल किस्से सांगत असतात. सध्या अक्षय त्याच्या ‘हाऊसफुल ५’ आणि ‘हेरा फेरी ३’ मुळे चर्चेत आहे. आता चक्क अक्षयने ५०- ७०च्या दशकातील ज्येष्ठ अभिनेत्रीला फिटनेसचा सल्ला दिला आहे. जाणून घ्या किस्सा…

मुमताज यांचं सौंदर्य, अदाकारी, अभिनय आजच्या अभिनेत्रींना लाजवणारं आहे. त्यांची मुमताज स्टाईल साडी आजच्या घडीला परफेक्ट रेट्रो लूक आहे. आणि मुमताज यांनाच अक्षयने फिटनेस मंत्रा दिला आहे. मुमताज यांनी स्वतःच एका मुलाखतीत याबद्दल खुलासा केला आहे. मुमताज यांनी रेडिओ नशा ऑफिशिअलसोबत बोलताना म्हटलं की, “अक्षय कुमारने मला एकदा सांगितलं होतं की ५-६ वाजल्यानंतर काहीही खाऊ नका. ती गोष्ट मी त्याच्याकडून शिकले. आणि आता मी काटेकोरपणे जेवणाबाबत नियम पाळते. मी जास्त खात नाही. मी चुकीच्या गोष्टी खात नाही. मी भरपूर व्यायाम करते, माझ्या चेहऱ्याची, केसांची काळजी घेते. चेहऱ्यावर लावण्यासाठी मी स्वत: मास्क तयार करते. योग्य वेळेत योग्य गोष्टी खाण्याला मी प्राधान्य देते”. (Bollywood news)

मुमताज यांच्या सिनेसृष्टीतील कारकिर्दीबद्दल बोलायचं झालं तर त्यांनी १९५८ आली ‘लाजवंती’ या चित्रपटातून अभिनयाची सुरूवात केली होती. त्यानंतर फौलाद, दो दिल, सावन की घटा, पत्थर के सनम, बदनाम, ब्रह्मचारी, हिंमत, चाहत, कटपुतली, प्यार का रिश्ता, रोटी अशा अनेक चित्रपटांमध्ये त्यांनी विविधांगी भूमिका साकारल्या आहेत. मुमताज यांनी राजेश खन्ना यांच्यासोबत सर्वाधिक चित्रपट केले आहेत. (Mumtaz movies)