Sanjay Dutt याच्या चित्रपटाचे साऊथमध्ये ४ रिमेक्स; शाहरुख खाननेही नाकारलेला ‘हा’ चित्रपट

‘जादू की झप्पी चाहीये क्या?’ दिवसभरात कामाच्या व्यापातून थकल्यानंतर हे वाक्य कुणी तरी म्हणावं असं नक्कीच वाटतं… काही चित्रपट खरं तर केवळ पलं मनोरंजन नाही तर जगण्याचा मंत्रा किंवा कायमस्वरुपी लक्षात राहतील अशा आठवणी देऊन जातात… २००३ मध्ये आलेल्या संजय दत्तच्या (Sanjay Dutt) या एका चित्रपटाने त्याचं करिअर तर पालटलंच पण हिंदी चित्रपटसृष्टीत कॉमेडी चित्रपटातून एक मेसेज देण्याचा ट्रेण्डही सेट केला होता… इतकंच नाही तर संजय दत्तच्या या चित्रपटाने चक्क साऊथमध्ये ४ रिमेक करण्यात आले होते आणि शाहरुख खानसह (Shah Rukh Khan) बड्या कलाकारांनी रिजेक्ट केलेली ही स्क्रिप्ट संजय दत्तच्या यशाची किल्ली बनली होती….(Bollywood movies remakes)

तर, २००३ मध्ये राजकूमार हिरानी यांचं पहिलंच दिग्दर्शन असणारा ‘मुन्नाभाई एम.बी.बी.एस’ (Munnabhai MBBS) हा चित्रपट रिलीज झाला. सुनील दत्त (Sunil Dutt) यांचा मुलगा संजय असूनही त्याच्याआधी हा चित्रपट शाहरुख खान, अनिल कपूर, विवेक ऑबरॉय यांना ऑफर करण्यात आला होता. पण त्यांनी चित्रपट नाकारल्यानंतर शेवटी संजय दत्तकडे हा चित्रपट आला आणि त्याने या संधीचं सोनं करुन दाखवलं. ‘मुन्नाभाई’ चित्रपट करण्यापूर्वी संजयच्या वैयक्तिक जीवनात आलेलं वादळ या चित्रपटामुळे नक्कीच शांत झालं असं म्हटलं जातं.(Entertainment tadaka)

‘मुन्नाभाई एम.बीबी.एस’ चित्रपटाने प्रेक्षकांचं तर मन जिंकलं होतंच पण १० कोटींचं बजेट असणाऱ्या या चित्रपटाने २००३ मध्ये ३२.१२ कोटींची बॉक्स ऑफिसवर कमाई केली होती. हिंदीत हा चित्रपट ब्लॉकबस्टर ठरल्यामुळे साऊथमध्ये या चित्रपटाचे रिमेक करण्यात आले आणि ते चारही चित्रपट हिट ठरले.(Entertainment news)

‘मुन्नाभाई एम.बी.बी.एस’ (Munnabhai MBBS) चित्रपटाचे ४ दाक्षिणात्य भाषेत रिमेक्स करण्यात आले. Vasoolraja MBBS (तमिळ-२००४), Shankar Dada MBBS (तेलुगु -२००४) या नावाने रिलीज झाला होता आणि महत्वाचं म्हणजे यात चिरंजीवी आणि सोनाली बेंद्रे (Sonali Bendre) महत्त्वाच्या भूमिकेत दिसले होते. तर, Uppi Dada MBBS (कन्नड- २००७) आणि दक्षिण आशियातील श्रीलंका या देशाची राष्ट्रभाषा असणाऱ्या सिंहला (Sinhala) या भाषेत हा चित्रपट Dr या नावाने रिलीज झाला होता. बरं, हा चित्रपट हॉलिवूड चित्रपट ‘पॅच एडम्स’ नं प्रेरित असल्याचं म्हटलं. त्यात रॉबिन विलियम्सनं महत्त्वाची भूमिका साकारली होती. (South Indian film)

================================

हे देखील वाचा: ‘कजरा रे’ गाण्याबद्दल Amitabh Bachchan यांना होती शंका, शुट करायला दिलेला नकार

=================================

दरम्यान, संजय दत्तच्या अनेक गाजलेल्या चित्रपटांपैकी ‘मुन्नाभाई एम.बी.बी.एस’ हा एक चित्रपट होता. ज्यात संजय दत्तसह सुनील दत्त, रोहिणी हट्टंगडी, ग्रेसी सिंह, अर्शद वारसी असे अनेक कलाकार दिसले होते. या चित्रपटाने केवळ समीक्षक किंवा प्रेक्षकांचं मनच जिंकलं नाही तर २००४ मधील लोकप्रिय पॉप्युलर चित्रपट नॅशनल अवॉर्ड्सचा देखील पुरस्कार पटकावला होता.(Bollywood cult classic movies)