नाना पाटेकरांनी असं काय म्हटलं की Ajit Pawar चक्क लाजले होते…

महाराष्ट्राचे उपमुख्यमंत्री अजित पवार (Ajit Pawar) यांचं २८ जानेवारी २०२६ रोजी अपघाती निधन झालं. त्यांच्या निधनामुळे सगळ्यांनाच धक्का बसला. सर्वच स्तरांतून अजितदादांच्या जुन्या आठवणींना उजाळा दिला जात असताना सध्या सोशल मिडियावर नाना पाटेकर आणि अजित पवार यांचा एक खास व्हिडिओ तुफान व्हायरल झाला आहे. २०१६ साला हा व्हिडिओ असून यात अजित पवार नानांच्या एका प्रश्नावर लाजताना दिसत आहेत. काय आहे तो व्हिडिओ आणि नाना काय म्हणाले होते जाणून घेऊयात… (Marathi Entertainment News)

काही दिवसांपूर्वी अजितदादा आणि नानांचा (Nana Patekar) फोटो पाटेकरांच्या मुलाने शेअर केला होता. त्या फोटोतून त्यांची किती खास मैत्री आहे हे दिसून येत होतं. आता सध्या याच दोघांचा एका व्यासपीठावरील व्हिडिओ समोर आला आहे. एका सार्वजनिक कार्यक्रमात नाना पाटेकर मंचावर भाषण करत होते आणि त्यांच्या शेजारी बसलेले अजित पवार हे काहीतरी विचारात मग्न होते. यावेळी नानांच्या तीक्ष्ण नजरेतून हे सुटले नाही आणि त्यांनी अजित पवारांना उद्देशून म्हटलं, “अजित, तुझं लक्ष दुसरीकडे आहे. मी फार महत्त्वाचं बोलतोय. कोण आहे मनामध्ये या क्षणाला, खरं सांग? असा अगदी हरवल्यासारखा का झालास? काही तरी गोंधळ आहे”… (Bollywood)

पाटेकरांच्या या प्रश्नावर अजितदादा लाजले आणि हसायला लागले. बरं, नाना तिथेच थांबले नाहीत तर ते पुढे म्हणाले की, “अजितच्या गालावर लाली मी पहिल्यांदाच पाहिली. छान! तू लाजलेलाही मला खूप आवडतोस”. हे ऐकून संपूर्ण सभागृहात एकच हशा पिकला होता. मनोरंजन आणि राजकारणातील वेगवेगळ्या विचारांचे हे दोन भिन्न व्यक्ती जरी अशले तरी त्यांची निखळ मैत्री लोकांनी त्याक्षणी अनुभवली होती.

================================

हे देखील वाचा : राहिल्या त्या आठवणी! Ajit Pawar आणि नाना पाटेकर यांचे आजवर कधीही न पाहिलेले फोटो

================================

दरम्यान, नाना पाटेकरांच्या कामाबद्दल बोलायचं झालं तर लवकरच ते शाहिद कपूच्या ‘ओ रोमिओ’ (O Romeo) चित्रपटात दिसणार आहेत. विशाल भारद्वाज यांचं दिग्दर्शन असणाऱ्या या चित्रपटात तृप्ती डिमरी, विक्रांत मेस्सी, फरिदा जलाल असे बरेच कलाकार दिसणार आहेत… (O Romeo Movie cast)

Get Latest Marathi Entertainment update | Movies Reviews in Marathi | Celebrities Update in Marathi