Natasa Stankovic-Hardik Pandya खरचं होणार वेगळे? घटस्फोटाच्या चर्चेवर अभिनेत्रीने दिली प्रतिक्रिया

भारतीय क्रिकेट पटू हार्दिक पांड्या आणि त्याची पत्नी नताशा स्टॅनकोविच यांच्यात सर्व काही ठीक नाही अशा चर्चांना आता उधाण आले आहे. नताशा स्टॅनकोविचने नुकतेच तिच्या इन्स्टाग्राम अकाऊंटवर पांड्या हे आडनाव काढून टाकले आहे आणि ती आयपीएलमध्ये आपल्या पतीला पाठिंबा देताना दिसली नाही. यानंतर हार्दिक पांड्या आणि नताशा स्टॅनकोविच यांच्या घटस्फोटाच्या चर्चांना वेग आला. हे कपल विभक्त झाल्याची चर्चा सोशल मीडियावर रंगली होती. मात्र हार्दिक पांड्या आणि नताशा स्टॅनकोविच यांच्याकडून अद्याप कोणतेही वक्तव्य आलेले नाही. दरम्यान, नताशा स्टॅनकोविच तिच्या मित्रासोबत नुकतीच मिडायाला दिसली आणि तिने हार्दिक पांड्यासोबतच्या घटस्फोटाच्या चर्चांवर प्रतिक्रिया दिली आहे.चला जाणून घेऊया नेमकं काय म्हणाली नताशा स्टॅनकोविच.(Natasa Stankovic on Divorce News)

सेलिब्रिटी फोटोग्राफर विरल भयानी यांनी आपल्या इन्स्टाग्राम अकाऊंटवरून एक व्हिडिओ शेअर केला आहे. या व्हिडिओमध्ये तुम्ही पाहू शकता की नताशा स्टॅनकोविच दिसत आहे. नताशा स्टॅनकोविकला पाहताच पॅपराझी तिचे फोटो क्लिक करू लागतात. यावेळी पॅपराझींनी नताशा स्टॅनकोविचला विचारले की, हार्दिकसोबत घटस्फोटाच्या चर्चांवर तुम्हाला काय म्हणायचे आहे. यावर नताशा स्टॅनकोविच म्हणाली, ‘खूप खूप धन्यवाद.’यानंतर नताशा स्टॅनकोविचने पॅपराझींचे आभार मानले आणि ती गाडीत बसली. अशा तऱ्हेने नताशा स्टॅनकोविकने हार्दिक पांड्यासोबतच्या घटस्फोटाच्या बातमीवर कोणतीही प्रतिक्रिया दिली नाही. नताशा स्टॅनकोविचचा हा व्हिडिओ सोशल मीडियावर तुफान व्हायरल होत आहे.

हार्दिक पांड्यासोबत घटस्फोटाच्या चर्चा सुरू असताना नताशा स्टॅनकोविच तिचा मित्र आणि जिम ट्रेनर अलेक्झांडर अॅलेक्स अलिकसोबत दिसली होती. यावेळी पॅपराझींनी तिला घटस्फोटाबाबत विचारणा केली. नताशा स्टॅनकोविच आणि अलेक्झांडर अॅलेक्स एलिक यांना एकत्र पाहून सोशल मीडिया युजर्सनी ती आनंदी दिसत असल्याचे म्हटले आहे. आणि याच व्यक्तीमुळे नताशा स्टॅनकोविच आणि हार्दिक पांड्या घटस्फोट घेणार आहेत, असेही नेटकरी आता म्हणू लागले आहेत. (Natasa Stankovic on Divorce News)

============================

हे देखील वाचा: पहिल्यांदाच मोठ्या पडद्यावर एकत्र दिसणार आयुष्मान खुराना आणि सारा अली खान

============================

हार्दिक पांड्या – नताशा स्टँकोव्हिच यांनी 2020 मध्ये अगदी साध्या पद्धतीत लग्न केले होते. लग्नाच्या काही महिन्यांनंतर नताशा हिने मुलगा अगस्त्य याला जन्म दिला. पांड्या आणि नताशा यांची जोडी चाहत्यांना देखील आवडत होती. त्यानंतर 2023 मध्ये हार्दिक नताशा यांनी मोठ्या थाटात लग्न केलं होतं.